நிசாம் பஷீர் இயக்கத்தில், பிருத்விராஜ் சுகுமாரன், பார்வதி திருவோத்து, ஹக்கிம் ஷாஜகான், அசோகன், விஜயராகவன், மதுபால், சங்கர், ராமகிருஷ்ணன், நக்ஷத்ரா ஆகியோர் நடிப்பில் வெளிவந்துள்ள படம் ஐ நோபடி.
தொழில்நுட்பக் கலைஞர்கள்
இயக்குநர் : நிசாம் பஷீர்
தயாரிப்பாளர்கள் : சுப்ரியா மேனன், முகேஷ் ஆர். மேத்தா, சி.வி. சாரதி
எழுத்து : சமீர் அப்துல்
ஒளிப்பதிவு : தினேஷ் புருஷோத்தமன்
படத்தொகுப்பு : ரமீஸ் எம்.பி.
இசை : ஜேக்ஸ் பிஜாய்
கலை : அர்ஷத் நக்கோத்
மக்கள் தொடர்பு : யுவராஜ்
ஒரு சாதாரண வங்கி கொள்ளை சம்பவம், அதில் எந்த தொடர்பும் இல்லாத ஒரு மனிதனின் வாழ்க்கையை தலைகீழாக மாற்றினால் என்ன நடக்கும்? என்ற சுவாரஸ்யமான கேள்வியை மையமாகக் கொண்டு நகர்கிறது ‘ஐ, நோபடி’.
வங்கி கொள்ளையின்போது பிணைக் கைதியாக அழைத்துச் செல்லப்படும் நாயகன், எதிர்பாராத விதமாக ஒரு முக்கிய ஆதாரத்தை கைப்பற்றுகிறார். அதன்பிறகு கொள்ளையர்கள் உயிரிழந்துவிட, காணாமல் போன கொள்ளைப் பணம், போலீஸ் விசாரணை, ஊடகங்களின் பரபரப்பு, சமூகத்தின் சந்தேகம் என அவர் வாழ்க்கை சிக்கல்களின் வலையில் சிக்கிக் கொள்கிறது. இந்த சிக்கல்களில் இருந்து அவர் எப்படி மீள்கிறார் என்பதையே திரைக்கதை விறுவிறுப்பாக எடுத்துச் செல்கிறது.
பிரித்விராஜ் சுகுமாரன், அதிக வசனங்கள் இல்லாமலேயே முகபாவனைகள் மற்றும் உடல்மொழி மூலம் கதாபாத்திரத்தின் பதற்றத்தையும் மன அழுத்தத்தையும் சிறப்பாக வெளிப்படுத்துகிறார். குடும்பத்திற்காக போராடும் சாதாரண மனிதராக அவரது நடிப்பு படத்திற்கு உறுதியான பலமாக அமைந்துள்ளது.
பார்வதி திருவோத்து இயல்பான நடிப்பால் குடும்பக் காட்சிகளுக்கு உயிர் கொடுக்கிறார். ஹக்கிம் ஷாஜகான், அசோகன், விஜயராகவன், சங்கர் ராமகிருஷ்ணன், மதுபால் உள்ளிட்ட துணை நடிகர்கள் அனைவரும் தங்களுக்கு வழங்கப்பட்ட கதாபாத்திரங்களை குறையில்லாமல் கையாண்டுள்ளனர்.
ஒவ்வொரு சில நிமிடங்களுக்கும் புதிய திருப்பத்தை கொடுக்கும் திரைக்கதை, தேவையற்ற காட்சிகளுக்கு இடமளிக்காமல் வேகமாக நகர்கிறது. ஒளிப்பதிவு, பின்னணி இசை, எடிட்டிங் ஆகியவை த்ரில்லர் உணர்வை மேலும் வலுப்படுத்துகின்றன. சில ஆக்ஷன் காட்சிகள் சினிமாத்தனமாக இருந்தாலும், அவை படத்தின் வேகத்தை பாதிக்கவில்லை.
மொத்தத்தில், வித்தியாசமான கதைக்களம், பரபரப்பான திரைக்கதை, வலுவான நடிப்பு ஆகியவற்றால் இறுதிவரை இருக்கையின் நுனியில் அமர வைத்து ரசிக்க வைக்கும் தரமான த்ரில்லர் படமாக ‘ஐ, நோபடி’ திகழ்கிறது.
