தனுஷ் நடித்த வேலையில்லா பட்டதாரி படம் சிலவருடங்களுக்கு முன்பு வெளிவந்து ஹிட் ஆனது. தற்போது இதன் அடுத்தப் பாகம் தயாராகிவருகிறது. தனுஷ் மற்றும் தாணு தயாரிப்பில் உருவாகும் இந்தப் படத்தை செளந்தர்யா ரஜினிகாந்த் இயக்கியுள்ளார். தனுஷ், அமலா பால், கஜோல் போன்றோர் நடித்துள்ளார்கள். வேல்ராஜ் இயக்கிய வேலையில்லா பட்டதாரி ஜூலை 18ஆம் தேதி வெளியானது. அதேபோல இரண்டாம் பாகமும் ஜூலையில் வெளியாகிறது. ஜூலை 28ஆம் தேதி வெளியாகும் இப்படத்தின் டீசரை பிரபல நடிகர் அமிதாப் பச்சன் ட்விட்டரில் வெளியிட்டார்.
