கோவில்பட்டியில் உள்ள பள்ளி மாணவ-மாணவிகள் நீட் உள்ளிட்ட அரசு பொது தேர்வுகளுக்கு
தயாராகும் வகையிலும், மாணவ-மாணவிகளின் பொது அறிவுத்திறன் மற்றும் அறிவியல் கல்வியை
மேம்படுத்தும் நோக்கில் ரோட்டரி கிளப் சார்பில் ஸ்மார்ட் க்ளாஸ் அமைக்க முடிவு செய்யப்பட்டு,
அதன் தொடக்கமாக கோவில்பட்டி விசுவகர்மா உயர்நிலைப்பள்ளியில் ஸ்மார்ட் க்ளாஸ் அமைக்கப்பட்டது.
இதன் திறப்பு விழா இன்று நடைபெற்றது. விழாவிற்கு ரோட்டரிகிளப் தலைவர் முத்துச்செல்வம்
தலைமை வகித்தார். ஸ்மார்ட் க்ளாஸ்சை ரோட்டாரி மாவட்ட பள்ளி சுகாதார திட்ட தலைவர்
சண்முகராஜேஸ்வரன் தொடங்கி வைத்தார். நிகழ்ச்சியில் ரோட்டரி சங்க நிர்வாகிகள், பள்ளி நிர்வாகிகள்,
ஆசிரியர்கள், மாணவ-மாணவிகள் கலந்து கொண்டனர்.
