நடிகர் கமல்ஹாசன் கடந்த சில மாதங்களாக அரசியலில் தீவிரம் காட்டி வருகிறார். அரசியல்வாதிகள் குறித்தும் அரசு குறித்தும் கருத்து தெரிவித்து வரும் அவர் விரைவில் அரசியலுக்கு வந்ததே தீருவேன் எனவும் கூறியுள்ளார். இந்நிலையில் அவரது பிறந்த நாளில் முக்கிய அறிவிப்பு என்பது அரசியல் பிரவேசம் குறித்தே இருக்கும் என தெரிகிறது. இந்நிலையில், இன்று தனது ரசிகர்களுடன் சந்திப்பினை நிகழ்த்திய நடிகர் கமல், டெங்குவுக்கு எதிராக களப்பணியாற்றவும், கல்வி சார்ந்த நற்பணிகளில் அதிக கவனம் செலுத்தவும் கமல் அறிவுறுத்தியதாகவும் தெரிகிறது. மேலும், கமலின் பிறந்த நாளான நவம்பர் 7 அவரின் அரசியல் வருகை குறித்த அறிவிப்பு வெளியிடப்படுமென்று தெரிகிறது.
