பா.ஜ.க.வுடன் கூட்டணி அமைத்தால் என்ன தவறு என்று பால்வளத்துறை அமைச்சர் ராஜேந்திர பாலாஜி கேள்வி எழுப்பியுள்ளார். சென்னை நந்தனத்தில் உள்ள ஆவின் அலுவலகத்தில் 10 ரூபாய் பால் பாக்கெட், 4 விதமான ஐஸ்கிரீம்கள், 90 நாள்கள் வரை கெட்டுப்போகாத ஆவின் டிலைட் பால் ஆகியவற்ற அறிமுகம் செய்த அவர், ஓய்வு பெற்ற ஆவின் பணியாளர்களுக்கு தினமும் அரை லிட்டர் இலவச பால் வழங்கும் திட்டத்தை தொடங்கி வைத்தார். பின்னர் செய்தியாளர்களுடன் பேசிய ராஜேந்திரபாலாஜி, அதிமுக, திமுக இரண்டு கட்சிகளுமே முந்தைய காலங்களில் பாஜகவுடன் கூட்டணி அமைத்திருந்தததை சுட்டிக்காட்டினார். மேலும், யாருடன் கூட்டணி அமைத்தாலும் அதிமுக வெற்றி பெறும் என்றும் அமைச்சர் கூறினார்.
