தெற்கு ரெயில்வே மதுரைக்கோட்டம் சார்பில் ஒவ்வொரு ரெயில்வே நிலையத்திலும், ரெயில்வே நிலையங்களை தூய்மையாக வைத்திருப்பது குறித்த தூய்மை இந்தியா விழிப்புணர்வு பிரச்சாரம் நடைபெற்று வருகிறது. அதன் ஒருபகுதியாக கோவில்பட்டி ரெயில்வே நிலையத்தில் தூய்மை இந்தியா விழிப்புணர்வு பிரச்சாரம் நடைபெற்றது. இந்த பிரச்சாரத்தினை ரெயில்வே துணை முதன்மை பண்டக மேலாளர் சுரேஸ்குமார் தொடங்கி வைத்தார்.
இதில் பள்ளி மாணவர்கள் கலந்து கொண்டு ரெயிலில் பயணம் செய்த பயணிகளிடம் ரெயில்வே நிலையங்களை சுத்தமாக வைத்திருப்பதன் அவசியம் குறித்து விழிப்புணர்வ துண்டு பிரசுரங்களை வழங்கினர்.நிகழ்ச்சியில் ரெயில்வே பாதுகாப்பு உதவி ஆய்வாளர் அரியநாயகம், சுகாதார ஆய்வளர் ராதாகிருஷ்ணன் மற்றும் பள்ளி மாணவர்கள் கலந்து கொண்டனர்.
