அனுஷ்கா, நாகார்ஜுனா, ஜெகபதிபாபு, பிரயக்யா ஜெய்ஸ்வால் ஆகியோர் நடிக்கும் படம் ‘அகிலாண்ட கோடி பிரமாண்ட நாயகன்’. ராஜ மௌலியின் குரு ராகவேந்திர ராவ் இயக்கியுள்ளார். திருமலை உருவான விதம், பக்தனுக்கும், பெருமாளுக்கும் உள்ள உறவு, ஆனந்த நிலையம் பெயர் வரக் காரணம் என பல்வேறு கேள்விகளுக்கு பதில் தரும் இந்த பக்திப் படம், ராமா என்கிற வெங்கடேசப் பெருமாள் பக்தனின் வாழ்க்கையில் நடந்த உண்மை சம்பவத்தை மையமாக வைத்து, நவீன காலத்துக்கு ஏற்ற வகையில் தெலுங்கில் உருவாகியுள்ளது.
இப்படம் தமிழில் மொழிமாற்றம் செய்து வெளியிடப்படுகிறது. இதில், ஆண்டாள் கதாப்பாத்திரத்தில் நடித்துள்ளார் அனுஷ்கா. இதுவொரு பக்தி காவியம் என்பதால் இந்தப் படத்தின் படப்பிடிப்பு நடக்கும் நாட்களில் அசைவம் தவிர்த்து, விரதமிருந்து நடித்துள்ளாராம் அனுஷ்கா. ‘பாகுபலி’ படத்துக்குப் பிறகு தனக்குப் பேர் சொல்லும் படமாக இது அமையும் என்பது அனுஷ்காவின் எதிர்பார்ப்பு.
