தமிழக சட்டமன்ற தேர்தலில் தே.மு.தி.க.– மக்கள் நலக்கூட்டணி– த.மா.கா. ஒரே அணியில் போட்டியிடுகிறது. இந்த அணிக்கு ஆதரவாக தே.மு. தி.க. தலைவர் விஜயகாந்தின் மனைவி பிரேமலதா விஜயகாந்த் கடந்த சில வாரங்களாக மாவட்டந்தோறும் தீவிர பிரசாரம் செய்து வருகிறார்.
அதன்படி இன்று விருதுநகர் மாவட்டத்தில் பிரேமலதா விஜயகாந்த் பிரசாரம் செய்கிறார். மாலை 6 மணிக்கு விருது நகரில் வாக்கு சேகரிக்கிறார். பின்னர் 7 மணிக்கு மல்லாங்கிணறு பஸ் நிலையத்திலும், 8 மணிக்கு திருச்சுழி சட்டமன்ற தொகுதியிலும் பிரசாரம் மேற்கொள்கிறார்.
