காஞ்சனாவின் மூன்றாம் பாகத்தை எடுத்து மீண்டும் மிரட்ட வருகிறார் லாரன்ஸ். முனி படத்தின் மூலமாக தமிழ் சினிமாவில் பேய் பட சீசனை தொடங்கி வைத்தார் ராகவா லாரன்ஸ். அந்தப் படத்தின் அதிரடியான வெற்றியால் முனி படத்தின் அடுத்தடுத்த பாகங்களாக அவர் எடுத்த காஞ்சனா, காஞ்சனா 2 படங்களும் வெற்றி பெற்றன. காஞ்சனா-3 படத்தை தயாரித்து அதில் ஹீரோவாக நடிக்கும் லாரன்ஸ் இந்த படத்தை இயக்கவில்லை. பாகுபலி புகழ் இயக்குநர் ராஜமவுலி மற்றும் கதாசிரியர் விஜயேந்திர பிரசாத்தின் உதவியாளர் காஞ்சனா-3 படத்தை இயக்குகிறார் என அதிகாரப்பூர்வ அறிவிப்பு வெளியாகி இருக்கிறது.
இந்தப்படம் குறித்த அறிவிப்புகள் வெளியான நிலையில் படத்தின் ஒளிபரப்பு உரிமையை பிரபல தனியார் தொலைக்காட்சி வாங்கியுள்ளது. தெலுங்கு உரிமையும் விற்கப்பட்டுவிட்டது.
