மலையாள நடிகர் ஆண்டனி வர்கீஸ் நடிப்பில், இயக்குநர் நிகில் பிரேம் ராஜ் இயக்கியுள்ள ‘7 ஸ்டார் பாய்ஸ்’ திரைப்படம் விரைவில் தமிழில் வெளியாகவுள்ளது.
கால்பந்தாட்டத்தை மையமாகக் கொண்டு உருவாகியுள்ள இப்படத்தில், இந்திய முன்னாள் கால்பந்தாட்ட வீரர் ஐ.எம். விஜயன் முக்கிய கதாபாத்திரத்தில் நடித்துள்ளார். இளம் வீரர்களின் கனவு, நட்பு, காதல் மற்றும் அவர்களின் வெற்றிப் பயணத்தை உணர்வுபூர்வமாகச் சொல்லும் திரைப்படமாக இது உருவாகியுள்ளது.
படத்தின் இறுதி 25 நிமிடங்கள் விறுவிறுப்பான கால்பந்து போட்டி காட்சிகளாக அமைந்துள்ளதாக இயக்குநர் தெரிவித்துள்ளார். ஜேக்ஸ் பிஜாய் இசையமைத்துள்ள இப்படத்தை பீனிக்ஸ் ஸ்டுடியோ நிறுவனம் தமிழில் மொழிமாற்றம் செய்து வெளியிடுகிறது.
உலகக்கோப்பை கால்பந்து போட்டி நடைபெறும் இந்த நேரத்தில், கால்பந்து ரசிகர்களை கவரும் வகையில் ‘7 ஸ்டார் பாய்ஸ்’ திரைப்படத்தின் தமிழ் வெளியீட்டு தேதி விரைவில் அதிகாரப்பூர்வமாக அறிவிக்கப்படும் என படக்குழு தெரிவித்துள்ளது.
