மில்லியன் டாலர் ஸ்டுடியோஸ் மற்றும் நியோ கேசில் கிரியேஷன்ஸ் இணைந்து தயாரித்துள்ள ‘அன்பே டயானா’ திரைப்படத்தின் டிரெய்லர் வெளியீட்டு விழா சென்னையில் நடைபெற்றது.
இதில் படக்குழுவினர், நடிகர்கள் மற்றும் சிறப்பு விருந்தினர்கள் கலந்து கொண்டு திரைப்படம் குறித்த அனுபவங்களையும் எதிர்பார்ப்புகளையும் பகிர்ந்து கொண்டனர்.
நடிகர் பரிதாபங்கள் கோபி, இயக்குநர் பாரி இளவழகன் மீது இருந்த நம்பிக்கையாலேயே இந்தப் படத்தில் இணைந்ததாகக் கூறினார். ஒளிப்பதிவாளர் ஷெல்லி கேலிஸ்ட் மற்றும் முழு படக்குழுவினரின் உழைப்பை பாராட்டிய அவர், படம் ரசிகர்களின் வரவேற்பைப் பெறும் என்ற நம்பிக்கையை வெளிப்படுத்தினார்.
நடிகை ரோஜா, குடும்ப உறவுகள், காதல், உணர்வுகள் ஆகியவற்றை சமநிலையுடன் சொல்லும் முழுமையான குடும்பப் படமாக ‘அன்பே டயானா’ உருவாகியுள்ளதாக கூறினார். குறிப்பாக கிளைமாக்ஸ் ரசிகர்களின் மனதை தொடும் என்றும், ஒளிப்பதிவும் தொழில்நுட்பத் தரமும் படத்தின் முக்கிய பலமாக இருக்கும் என்றும் தெரிவித்தார்.
Eraa Entertainment தயாரிப்பாளர் சத்யா கரிகாலன், இது வெறும் காதல் படம் அல்ல; அனைத்து தரப்பு ரசிகர்களையும் கவரும் முழுமையான பொழுதுபோக்கு திரைப்படம் என குறிப்பிட்டார். இயக்குநர் பாரி இளவழகன் மற்றும் படக்குழுவின் அர்ப்பணிப்பை அவர் பாராட்டினார்.
எடிட்டர் பார்த்தா, ‘ஜமா’ படத்திற்குப் பிறகு பாரி இளவழகன் எழுதிய இந்தக் கதை தன்னை மிகவும் கவர்ந்ததாகவும், பெரம்பூரை மையமாகக் கொண்ட இந்தப் படம் ரசிகர்களுக்கு புதிய அனுபவமாக இருக்கும் என்றும் கூறினார்.
இசையமைப்பாளர் பரத் சங்கர், கதையை கேட்ட பிறகு பெரம்பூரை நேரில் சென்று பலமுறை சுற்றிப் பார்த்ததாக தெரிவித்தார். அங்குள்ள வாழ்க்கை முறை மற்றும் மனிதர்களின் உணர்வுகள் படத்தின் இசையிலும் பிரதிபலிக்கும் என்றும், படம் முடிந்தபின் ஒரு ரசிகராகவே முழு திருப்தி அடைந்ததாகவும் கூறினார்.
சிறப்பு விருந்தினர்களான இயக்குநர் தினகரன் சிவலிங்கம், நடிகர்-இயக்குநர் சமுத்திரக்கனி, இயக்குநர் சசிகுமார் ஆகியோர், டிரெய்லர் மிகவும் நம்பிக்கையளிப்பதாகவும், பாரி இளவழகனின் அர்ப்பணிப்பு இந்தப் படத்தை வெற்றிப் பாதைக்கு அழைத்துச் செல்லும் என்றும் வாழ்த்தினர்.
நடிகர் சேத்தன், ஆரம்பத்தில் அப்பா கதாபாத்திரம் என்பதால் தயக்கம் இருந்தாலும், முழுக் கதையை கேட்ட பிறகு உடனே சம்மதித்ததாக தெரிவித்தார். படத்தில் வரும் ஒவ்வொரு கதாபாத்திரமும் முழுமையாக வடிவமைக்கப்பட்டிருப்பதே படத்தின் மிகப்பெரிய பலம் என்றார்.
தயாரிப்பாளர் சரவணன், யுவராஜ் கணேசன் மீதான நம்பிக்கையால் இந்தப் படத்தில் இணைந்ததாகவும், ‘அன்பே டயானா’ குடும்பத்துடன் ரசிக்கக்கூடிய தரமான திரைப்படமாக இருக்கும் என்றும் தெரிவித்தார்.
மில்லியன் டாலர் ஸ்டுடியோஸ் தயாரிப்பாளர் யுவராஜ் கணேசன், தனது வாழ்க்கைப் பயணத்தை நினைவுகூர்ந்து, தனக்கு துணையாக இருந்த அனைவருக்கும் நன்றி தெரிவித்தார். இந்தப் படம் ரசிகர்களை முழுமையாக மகிழ்விக்கும் என்ற நம்பிக்கை இருப்பதாக கூறினார்.
கதாநாயகி ரம்யா ரங்கநாதன், ‘டயானா’ கதாபாத்திரம் தனது திரைப்பயணத்தில் முக்கியமான இடம் பெறும் எனக் கூறினார். பெரம்பூர் மற்றும் ஆங்கிலோ-இந்திய சமூகத்தின் வாழ்க்கை முறையை அழகாக பதிவு செய்திருக்கும் இப்படம் குடும்பத்துடன் பார்க்க வேண்டிய திரைப்படம் என்றும் தெரிவித்தார்.
இயக்குநரும் நடிகருமான பாரி இளவழகன், இந்தப் படம் ஒரு குழுவின் கூட்டு முயற்சியால் உருவானது என்றும், நடிகர்கள், தொழில்நுட்பக் கலைஞர்கள், தயாரிப்பாளர்கள் உள்ளிட்ட அனைவரின் பங்களிப்பும் இந்தப் படத்தின் வெற்றிக்கு காரணம் என்றும் கூறினார். பெரம்பூர் மக்களால் நீண்ட காலம் கொண்டாடப்படும் படமாக ‘அன்பே டயானா’ அமையும் என்ற நம்பிக்கையையும் அவர் வெளிப்படுத்தினார்.
விழா முழுவதும் பேசிய அனைவரும், ‘அன்பே டயானா’ குடும்பத்துடன் ரசிக்கக்கூடிய உணர்வுப்பூர்வமான பொழுதுபோக்கு திரைப்படமாக இருக்கும் என்றும், ரசிகர்கள் திரையரங்குகளில் வந்து ஆதரிக்க வேண்டும் என்றும் கேட்டுக் கொண்டனர்.
