என்.ரஞ்சனி தயாரிப்பில், கே.ராஜசேகர் இயக்கத்தில், கயல் ஆனந்தி, ஆர்.கே.சுரேஷ், ரூசோ ஸ்ரீதரன், விஜித், பேபி நக்ஷத்ரா, சசி லயா, பரணி, ரித்திகா சக்ரபோர்த்தி, ஹாசின், தரணி ரெட்டி ஆகியோர் நடிப்பில் வெளிவந்திருக்கும் படம் ஒயிட் ரோஸ்.
ஒரு இக்கட்டான சூழ்நிலையில், கணவனை இழந்து சிறு வயது மகளுடன் வாழ்ந்து வருகிறார் கயல் ஆனந்தி. வேலை இல்லாமலும் பணக்கஷ்டத்திலும் இருக்கும் கயல் ஆனந்தியிடம், கணவர் இருக்கும் பொழுது கந்துவட்டிக்காரரிடம் கடன் வாங்கிய பணத்தை கட்ட சொல்லி மகளை கடத்திக் கொண்டு சென்று விடுகிறார் கந்துவட்டிக்காரர்.
பணத்தைக் கொடுத்து மகளை மீட்க நினைக்கும் கயல் ஆனந்தி வேறு வழி இல்லாமல் பாலியல் தொழிலில் ஈடுபட முடிவு செய்து அதற்காக பேருந்து நிலையத்தில் காத்திருக்கிறார். அங்கு வரும் ஆர் கே சுரேஷ் அவரை அழைத்து செல்கிறார். ஆனால் அங்கு சென்றவுடன் தான் தெரிகிறது, ஆர்கே சுரேஷ் ஒரு சைக்கோ கில்லர் என்று. ஆர் கே சுரேஷ் கயல் ஆனந்தியை என்ன செய்தார்? ஆர்கே சுரேஷிடமிருந்து கயல் ஆனந்தி தப்பித்தாரா? இல்லையா? மகளை மீட்டாரா? இல்லையா? என்பதே ‘ஒயிட் ரோஸ்’ படத்தோட மீதிக்கதை.
தொழில்நுட்ப கலைஞர்கள்
தயாரிப்பு : என்.ரஞ்சனி
இயக்கம் : கே.ராஜசேகர்
இசை : சுதர்சன்
ஒளிப்பதிவாளர் : வி.இளையராஜா
எடிட்டர் : கோபி கிருஷ்ணா
மக்கள் தொடர்பு : சுரேஷ் சந்திரா, ரேகா டிஒன்
