வோடபோன் நிறுவனத்தின் ரெட் போஸ்ட்பெயிட் (RED post-paid) திட்டங்களின் படி வாடிக்கையாளர்களுக்கு மூன்று மடங்கு டேட்டா, அன்லிமிட்டெட் உள்ளூர் மற்றும் வெளியூர் அழைப்புகளை வோடபோன் வழங்குகின்றது. இத்திட்டங்களின் துவக்க விலை ரூ.499 ஆகும். முன்னதாக வோடபோன் அறிவித்த திட்டங்களில் கூடுதல் டேட்டா, அன்லிமிட்டெட் வாய்ஸ் கால் உள்ளிட்டவை வழங்கப்பட்டது. வோடபோன் ரெட் ரூ.499 திட்டத்தில் வாடிக்கையாளர்களுக்கு அன்லிமிட்டெட் வாய்ஸ் காலிங், இலவச தேசிய ரோமிங், 100 உள்ளூர் மற்றும் வெளியூர் எஸ்எம்எஸ் 4G ஸ்மார்ட்போன் வைத்திருப்போருக்கு 3ஜிபி டேட்டாவும், 4G ஸ்மார்ட்போன் இல்லாதோருக்கு 1ஜிபி டேட்டாவும் வழங்கப்படுகிறது. இதே போல் ரெட் ரூ.699 திட்டத்தில் 4G ஸ்மார்ட்போன் வைத்திருப்போருக்கு 5ஜிபி டேட்டாவும் 4G ஸ்மார்ட்போன் இல்லாதோருக்கு 2.5 ஜிபி டேட்டாவும் வழங்கப்படுகிறது. இத்துடன் அன்லிமிட்டெட் காலிங், தேசிய ரோமிங் மற்றும் 100 உள்ளூர் மற்றும் வெளியூர் எஸ்எம்எஸ் வழங்கப்படுகின்றது. வோடபோன் ரெட் போஸ்ட்பெயிட் திட்டங்கள் ரூ.999, ரூ.1299, ரூ.1699 மற்றும் ரூ.1999 விலைகளிலும் வழங்கப்படுகின்றது. வோடபோன் ரெட் ரூ.1999 திட்டத்தின் கீழ் 4G ஸ்மார்ட்போன் வைத்திருப்போருக்கு 24 ஜிபி டேட்டாவும் 4G டேட்டா இல்லாத வாடிக்கையாளர்களுக்கு 20 ஜிபி டேட்டாவும் வழங்கப்படுகின்றது. இத்துடன் அன்லிமிட்டெட் வாய்ஸ் காலிங், தேசிய ரோமிங் மற்றும் 100 எஸ்எம்எஸ் உள்ளிட்டவை வழங்கப்படுகின்றது. வோடபோன் ரெட் புதிய திட்டங்களின் விலை ஒவ்வொரு வட்டாரங்களிலும் மாறுபடும். திட்டத்தில் வழங்கப்பட்டுள்ள டேட்டா தீர்ந்து போன பின் ஒரு எம்பி டேட்டாவிற்கு 50 பைசா வீதம் கட்டணம் வசூலிக்கப்படும் என வோடபோன் சார்பில் தெரிவிக்கப்பட்டுள்ளது.
