நடன இயக்குனர் தினேஷை நேரில் அழைத்து பாராட்டிய விஜய்
ஒரு குப்பை கதை படத்தில் நாயகனாக நடித்த நடன இயக்குனர் தினேஷை விஜய் நேரில் அழைத்து பாராட்டி உள்ளார். இயக்குநர் அஸ்லாம் தயாரிப்பில், காளி ரங்கசாமி இயக்கத்தில் நடன இயக்குநர் தினேஷ் கதாநாயகனாக நடித்துள்ள படம் ஒரு குப்பை கதை.
இந்த படத்தை ரெட் ஜெயிண்ட் மூவிஸ் நிறுவனம் வெளியிட்டது. இதில் ஆதலால் காதல் செய்வீர் படத்தில் நடித்த மனிஷா நாயகியாக நடித்துள்ளார். இந்த படத்தை பார்த்த நடிகர் விஜய் தினேஷை நேரில் அழைத்து அவர் நடிப்பு திறனை பாராட்டி உள்ளார். இதனால் தினேஷ் மிகுந்த சந்தோசத்தில் இருக்கிறாராம். தினேஷ் சிறந்த நடன இயக்குநருக்கான தேசிய விருது வென்றவர்.
