குஜராத் மாநிலம் சூரத் பகுதியை சேர்ந்த ஒரு குழுவினர் ரெயில் மூலம் மதுரை வந்து அங்குள்ள டிரவால்ஸ் வேன் மூலமாக கன்னியாகுமாரிக்கு சென்றுள்ளனர். வேன் இன்று அதிகாலையில் தூத்துக்குடிமாவட்டம் கோவில்பட்டி அருகேயுள்ள தளவாய்புரம் – ஆசூர் விலக்கில் இயற்கை உபாதைகள் கழிப்பதற்காக நிறுத்தியுள்ளனர். அப்போது மதுரையில் இருந்து திருவனந்தபுரம் நோக்கி பல்லாரி மற்றும் சின்ன வெங்காயம் ஏற்றி சென்ற லாரி எதிர்பாரத விதமாக நின்று கொண்டு இருந்த வேன் மீது மோதியது. இதில் வேன் பலத்த சேதமடைந்தது மட்டுமின்றி வேனில் இருந்த சின்கான்பென், கான்ஷாபென் ஆகிய 2பெண்கள் சம்பவ இடத்தில் பரிதாபமாக உயிரிழந்தனர்.மேலும் 12 பேர் படுகாயம் அடைந்தனர். இது குறித்து தகவல் கிடைத்தும் கயத்தார் போலீசார் விரைந்து சென்று படுகாயம் அடைந்தவர்களை திருநெல்வேலி அரசு மருத்துவக்கல்லூரி மருத்துவமனைக்கு அனுப்பிவைத்தனர். மேலும் உயிரிழந்த 2 பெண்களின் உடல்களையும் பிரேத பரிசோதனைக்காக திருநெல்வேலி அரசு மருத்துவக்கல்லூரி மருத்துவமனைக்கு அனுப்பி வைத்தனர். விபத்து குறித்து போலீசார் வழக்கு பதிவு செய்து விசாரணை நடத்தி வருகின்றனர்.
