மிக பிரமாண்டமான பொருட்செலவில் ஜேஷன் ஸ்டுடியோஸ் தயாரிக்க புதுமுக இயக்குனர் ஆஸிப் குரைஷி ஒரு புதிய கதைக்களத்தில் இயக்க “இளைய திலகம்” பிரபுவோடு நடிகர் உதயா இணைந்து நடிக்கும் படம் “உத்தரவு மகாராஜா”
ஏற்கனவே இப்படத்தின் எதிர்பார்ப்பை கூட்டியுள்ள படக்குழுவினர் மேலும் ஒரு இன்ப செய்தியை ரசிகர்களுக்கு அளிக்கவுள்ளனர்.
நாளை கோலாலம்பூர் மலேசியாவில் உள்ள நேஷனல் புகிட் ஜலில் அரங்கத்தில் அனைத்து தமிழ் திரையுலக நட்சத்திரங்களும் கலந்து கொள்ளும் பிரம்மாண்ட நிகழ்வான “நட்சத்திர விழா 2018” வெகு விமர்சையாக நடைபெறவுள்ளது.
இவ்விழாவில் தமிழ் திரையுலக ஜாம்பவாங்களான சூப்பர்ஸ்டார் ரஜினிகாந்த – உலகநாயகன் கமல்ஹாசன் முன்னிலையில் “உத்தரவு மகாராஜா” திரைப்படத்தின் டீசரை தமிழ் திரையுலக நட்சத்திரங்கள் படைசூழ வெளியிடப்படவுள்ளது.
மேலும் இப்படத்தில் தன்னை விட மூத்த நடிகரான பிரபு அவர்களின் பெயருக்கு பிறகு நடிகர் உதயா அவர்களின் பெயர் வருவதை பார்த்த திரைப்பிரபலங்கள் நடிகர் உதயாவிற்கு வாழ்த்து தெரிவித்தனர்.
இப்படத்தில் பிரியங்கா, சேரா, நிஷா என மூன்று கதாநாயகிகள் நடிக்கிறார்கள். நாசர், கோவைசரளா, ஸ்ரீமன், மனோபாலா, MS பாஸ்கர், சரவணன், தனஞ்செயன், தளபதி தினேஷ், சோனியா போஸ், பிரேம் மற்றும் பல நட்சத்திரங்களுடன் நீண்ட இடை வெளிக்குப் பின் குட்டிபத்மினி நடிக்க இருக்கிறார். தென்னிந்திய நடிகர் சங்கத்தின் தலைவர் முதற்கொண்டு பெரும்பாலான முக்கிய நடிகர்களும் இப்படத்தில் நடித்திருக்கிறார்கள் என்பது குறிப்பிடத்தக்கது.
ஒளிப்பதிவாளர் பாலாஜி ரங்கா. இவர் தமிழில் ஓநாயும் ஆட்டுக்குட்டியும் மற்றும் பல இந்தி படங்களில் ஒளிப்பதிவாளராகப் பணிபுரிந்தவர்.
இசையமைப்பாளர் நரேன் பாலகுமாரன்
படத்தொகுப்பு – சத்ய நாராயணன்
நடனம் சாண்டி
மக்கள் தொடர்பு நிகில்