குரங்கே தேசிய கொடியை ஏற்றி வைத்து தனது தேசபக்தியை வெளிப்படுத்திய சம்பவம் பெரும் பரபரப்பை ஏற்படுத்தியுள்ளது. ராஜஸ்தான் மாநிலத்தில் உள்ள பள்ளியில் சுதந்திர தின விழா கொண்டாட்டத்திற்காக கொடி ஏற்றும் நிகழ்ச்சிக்கு ஏற்பாடு செய்யப்பட்டிருந்தது. இதற்காக கம்பத்தில் கொடியைக் கட்டி தயாராக வைக்கப்பட்டிருந்தது. கொடி ஏற்ற சிறப்பு விருந்தினர் வருவதற்காக பள்ளி நிர்வாகத்தினர் காத்துக்கொண்டிருந்தனர். அப்போது எதிர்பாராத விதமாக அங்கு வந்த குரங்கு ஒன்று தேசியக்கொடியை ஏற்றி விட்டு ஓட்டிவிட்டது. அந்த வீடியோ தற்போது இணையத்தில் வைரலாகி வருகிறது என்பது குறிப்பிடத்தக்கது. குரங்கிலிருந்து மனிதன் பிறந்தான் என்று அறிவியல் சொல்கிறது. அப்படி குரங்கிலிருந்து மனிதன் பிறந்திருந்தாலும், மனிதன் செய்யும் செயல்களை சில சமயம் குரங்குகள் செய்யும் போது விந்தையாகவும், விசித்திரமாகவும் இருப்பது உண்மைதான்.
