தளபதி 62 படத்தின் அப்டேட்
துப்பாக்கி, கத்தி படத்திற்குப் பிறகு விஜய் – ஏ.ஆர் முருகதாஸ் இவர்கள் இருவரும் மூன்றாவது முறையாக இணைந்திருப்பதால், படத்தின் மீதான எதிர்ப்பார்ப்பு அதிகரித்திருக்கிறது. விஜய்க்கு ஜோடியாக கீர்த்தி சுரேஷ் நடிக்க, வரலக்ஷ்மி சரத்குமார் ஒரு முக்கிய ரோலில் நடிக்கிறார்.
உதயா, அழகிய தமிழ் மகன், மெர்சல் ஆகியப் படங்களைத் தொடர்ந்து நான்காவது முறையாக ஏ.ஆர் ரஹ்மான் விஜய் படத்திற்கு இசையமைக்கிறார். இன்னும் டைட்டில் வைக்கப் படாமல் ‘தளபதி 62’ என அழைக்கப்படும் இந்தப் படத்தை தீபாவளிக்கு ரிலீஸ் செய்வதாக அறிவிக்கப் பட்டுள்ளது.
இந்நிலையில் படத்தின் ஷூட்டிங் அசுர வேகத்தில் நடந்து வருகிறது. சமீபத்தில் சென்னை விமான நிலையத்தில் தளபதி 62 படத்திற்காக சில காட்சிகளை படமாக்கியிருக்கிறார் இயக்குநர் ஏ.ஆர்.முருகதாஸ். அங்கு அவர் எடுத்துக் கொண்ட ஃபோட்டோவை சமூக வலைதளங்களில் அதிகளவு பகிர்ந்து வருகின்றனர் விஜய் ரசிகர்கள்.
