ஷார்ஜா நகரில் ஷார்ஜா மாஸ்டர் செஸ் போட்டித் தொடர் வருகிறது. போட்டியில் ஸ்பெயின் வீரர்டேவிட் ஆண்டன் குய்ஜாரோ-வை வீழ்த்திய சென்னையைச் சேர்ந்த 23 வயது இளைஞர் ஸ்ரீநாத் நாராயணன் வெற்றி பெற்றதன் மூலம் இந்தியாவின் 46ஆம் கிராண்ட் மாஸ்டராக தகுதி பெற்றுள்ளார். தன்னுடைய 8ஆம் வயதிலேயே உலக செஸ் கூட்டமைப்பின் தரவரிசையில் இடம்பெற்ற ஸ்ரீநாத், 2005ஆம் ஆண்டு பிரான்சில் நடந்த 12 வயதுக்குட்பட்டோருக்கான உலக சாம்பியன் போட்டியில் இணை சாம்பியனாக பட்டம் வென்றவர் ஆவார்.
தன்னுடைய 14 வயதில் சர்வதேச மாஸ்டராக தரம் உயர்ந்த ஸ்ரீநாத், 2012ஆம் ஆண்டில் நடந்த ஆசிய இளையோர் செஸ் போட்டியில் கிராண்ட் மாஸ்டராக வெற்றி பெற்றிருந்தார். நட்சத்திர செஸ் வீரரும் சென்னையை சேர்ந்தவருமான விஸ்வநாதன் ஆனந்த், ஸ்ரீநாத்தின் பயிற்சியாளர் ரமேஷ் உள்ளிட்ட முன்னணி செஸ் வீரர்கள் ஸ்ரீநாத் நாராயணனுக்கு வாழ்த்துக்களை தெரிவித்தனர்.
