கோடை விடுமுறை முடிந்து தமிழகத்தில் இன்று பள்ளிகள் திறக்கப்பட்டது. பள்ளிகளுக்கு மாணவ-மாணவியர்கள் உற்சாகமாக சென்றனர். கோடை வெயிலின் தாக்கம் அதிகமானதால் ஜூன் 1ஆம் தேதியே திறக்க வேண்டிய பள்ளிகள் இன்று திறக்கப்பட்டது. வெயிலின் தாக்கத்தின் காரணமாக திருவண்ணாமலை மாவட்டத்தில் பள்ளிகள் திறப்பு தேதி ஒத்தி வைக்கப்பட்டு ஜூன் 15 ஆம் தேதி திறக்கப்படும் என மாவட்ட ஆட்சியர் அறிவித்திருந்தார்.
ஆனால் அந்த அறிவிப்பு சிறிது நேரத்தில் திரும்பபெறப்பட்டு அந்த மாவட்டத்திலும் இன்றே பள்ளிகள் திறக்கப்பட்டுள்ளது. பள்ளிகள் திறந்த முதல்நாளிலேயே மாணவர்களுக்கு புத்தகங்கள் வழங்க நடவடிக்கையெடுக்கப்படும் என்று அரசுத்தரப்பில் அறிவிக்கப்பட்டுள்ளது என்பது குறிப்பிடத்தக்கது.
