கோவில்பட்டி ரோட்டரி சங்கம் மற்றும் கோவில்பட்டி போக்குவரத்து காவல்துறை சார்பில் கோவில்பட்டி மெயின் ரோட்டில் உள்ள ஞானமலர் பல்க்கில் வைத்து சாலை பாதுகாப்பு விழிப்பணர்வு முகாம் நடைபெற்றது.
கோவில்பட்டி ரோட்டரி சங்கம் சார்பில் மெயின்ரோட்டில் உள்ள ஞானமலர் பல்க்கில் வைத்து இருசக்கரவாகனம்,மற்றும் ஆட்டோகளுக்கு கருப்பு ஸ்டிக்கர் ஒட்டப்பட்டது. இருசக்கரவாகன ஓட்டிகளுக்கு சாலை பாதுகாப்பு விழிப்புணர்வு துண்டு பிரசுரங்கள் வழங்கப்பட்டது. முக்கிய இடங்களில் விழிப்புணர்வு ஸ்டிக்கர் ஒட்டப்பட்டது. இந்நிகழ்ச்சிக்கு ரோட்டரி சங்க தலைவர் முத்துச்செல்வன் தலைமை வகித்தார். செயலாளர் வெங்டேஷ் முன்னிலை வகித்தார்.
கோவில்பட்டி போக்கவரத்து காவல் உதவிஆய்வாளர் சுடலைமுத்து இரு சக்கரவாகனங்களுக்கு கருப்பு ஸ்டிக்கர் ஒட்டியும், விழிப்புணர்வு துண்டு பிரசுரங்கள் வழங்கினார். இந்நிகழ்ச்சியில் போக்குவரத்து காவல்துறையினர் மற்றும் ரோட்டரி சங்க உறுப்பினர்கள் பெட்ரோல் பல்க் பணியாளர்கள், பொதுமக்கள் கலந்துகொண்டனர்.
