ரெஜினா குழந்தை பருவத்தில் நடந்த அதிர்ச்சியான சம்பவத்தின் மனஉளைச்சலில் இருக்கிறாள். அவளது தந்தை, ஒரு சமூக ஆர்வலர். அவள் பள்ளி நாட்களில் சமூக விரோதிகள் இவளது தந்தையை அவள் கண் முன்னே கொல்கிறார்கள் . இந்த சம்பவத்தின் நினைத்து பல வருடங்கள் அந்த வேதனையில் இருக்கிறார்.
 
அதன் பின் ஒரு வங்கி ஊழியரான ஜோ வந்த பிறகு, அவளுடைய வாழ்க்கை அழகாக மாறுகிறது. திருமணம்  செய்து கொண்டு ஜோவுடன் மகிழ்ச்சியான வாழ்க்கையை நடத்தி வருகிறார். ஒரு நாள் முகமூடி அணிந்த கும்பல் ஜோவின் வங்கிக்குள் நுழைந்து
கொள்ளையடித்துவிட்டு ஜோவையும் கொலை செய்துவிட்டு தப்பிக்கிறார்கள். போலீஸ் அவர்களை துரத்தும் போது கொள்ளையர்களின் கார் விபத்துக்குள்ளாகிறது. காயத்துடன் டிரைவர் மட்டும் பிடிபட மற்றவர்கள் தப்பி தலைமறைவாகிறார்கள். கொலைக் குற்றவாளிகளை கைது செய்யக்கோரி காவல் நிலையத்திற்க்கு செல்லும் ரெஜினாவை காவலர்களால் சரியாக நடத்தாமல் பலமுறை திருப்பி அனுப்பி விடுகின்றனர். பிறகு, ரெஜினா தனது கணவரின் மரணத்திற்கு காரணமானவர்களை பழி வாங்க நினைக்கிறார். அதற்காக பல உத்திகளை கையாளுகிறார். ரெஜினா கணவரை கொன்றவர்களை பழி வாங்கினாரா? இல்லையா? என்பதை ரெஜினா படத்தோட மீதி கதை