சென்னையில் இன்று புரோ கபடி லீக் தொடரில் முதன்முறையாக களமிறங்கவுள்ள ‘தமிழ் தலைவாஸ்’ அணியின் ஜெர்ஸி மற்றும் அணி அறிமுக விழா நடைபெற்றது. தனியார் ஹோட்டலில் நடைபெற்ற இந்த நிகழ்சியில் அணியின் உரிமையாளர் சச்சின் டெண்டுல்கர், விளம்பரட தூதர் நடிகர் கமல்ஹாசன், நடிகர் அல்லு அர்ஜூன் உட்பட பலர் கலந்துகொண்டனர். நிகழ்ச்சியில், தமிழ் தலைவாஸ் அணியின் ஜெர்ஸி மற்றும் அணி அறிமுகப்படுத்தப்பட்டது. இது, ஐபிஎல் கிரிக்கெட் தொடரில் களமிறங்கிய சென்னை சூப்பர் கிங்ஸ் அணியின் ஜெர்ஸியின் நிறத்தை ஒத்து வடிவமைக்கப்பட்டுள்ளது.
