ஒரு தனி வீட்டில் ஒரு சிறுமி மட்டும் தனியே படித்துக் கொண்டிருக்க, திடீரென்று மின்சாரம் நின்று போகிறது. அந்த சமயத்தில் ஆறு பேர் கொண்ட ஒரு திருட்டு கும்பல் உள்ளே நுழைகிறது. இவர்களின் சத்தத்தை கேட்டு வெளியே வரும் சிறுமி, அவர்களை தன் செல்போனில் படம் எடுப்பதை பார்த்து, அவளை துரத்திச் சென்று பாலியல் வன்கொடுமை செய்து சுட்டுக் கொன்று விடுகின்றனர். அந்த வீட்டில் இருக்கும் பொருட்களை கொள்ளையடித்து விட்டு வெடி வைத்து தகர்த்து சென்று விடுகின்றனர். ஒரு சில மாதங்களுக்குப் பிறகு கேரளாவில் இருக்கும் ஒரு வீட்டில் கோடிக்கணக்கான பணம் இருப்பதாதகவும், கொள்ளையடித்து விட்டு வாழ்க்கையில் செட்டில் ஆகி விடலாம் என்று தகவல் கிடைக்க அந்த குழு பெரிய திருட்டைத் திட்டமிடுகிறது. அந்த பங்களாவிற்குள் இருக்கும் பழைய லாக்கர் தங்களுடைய பணப் பிரச்சனைகள் அனைத்தையும் தீர்த்து வைக்கும் என்று நம்பி கொள்ளையடிப்பதற்காக உள்ளே நுழையும் போது, அங்கே கண் தெரியாத பரத் இருப்பதை பார்க்கிறார்கள். பரத்திற்கு தெரியாமல் திருட முயற்சி செய்கிறார்கள். அவர்களால் பரத்தை மீறி பணத்தை கொள்ளையடிக்க முடிந்ததா? இல்லையா? பரத் யார்? என்பதுதான் படத்தோட மீதிக்கதை.
நடிகை-நடிகர்கள்:
பரத், அனூப் காலித், விவியா சந்த், அடில் இப்ராஹிம்,அனு மோகன், மற்றும் பலர்.
தொழில் நுட்ப கலைஞர்கள்:
ஒளிப்பதிவு : சினு சித்தார்த்
இசை : கைலாஷ் மேனன்
சண்டை : தினேஷ் காசி
எடிட்டிங் : பிரவீன் பிரபாகர்
ஒலி வடிவமைப்பு : அருண் ராமவர்மா லைன் புரொட்யுசர் : சக்திவேல் கல்யாணி
தயாரிப்பு : அனுப் காலித்
இயக்கம் : சுனிஷ்குமார்
பிஆர்ஒ-குமரேசன்
