நடிகர் கமல்ஹாசன் தீவிரமாக தமிழக அரசியலில் இறங்கி விட்டார். கட்சி, சின்னம், கொடி என அனைத்தையும் இறுதி செய்யும் பணிகளில் தற்போது அவர் ஈடுபட்டிருக்கிறார். இந்நிலையில், அனைத்து தொலைக்காட்சிகளுக்கும் அதிரடி பேட்டிகளை அளித்து வரும் கமல்ஹாசன், தமிழக அரசியல் தலைவர்களை கலங்கடித்து வருகிறார். நேற்று ஒரு தனியார் தொலைக்காட்சிக்கு பேட்டியளித்த கமல்ஹாசனிடம், விஜய் அரசியலுக்கு வந்தால் உங்களுக்குப் போட்டியாக இருப்பாரா? என்று கேள்வி கேட்கப்பட்டது.
அதற்கு பதில் சொன்ன கமல்ஹாசன், விஜய், முதலில் நல்ல கதையுள்ள படங்களைத் தேர்வு செய்து நடிக்கட்டும், அதன் பிறகு அரசியலுக்கு வருவது பற்றி யோசிக்கலாம் என்று நடிகர் விஜய்க்கு அறிவுரை வழங்கினார். மேலும், இதை தனிப்பட்ட முறையில் விஜயிடம் கூறினால், எனது அறிவுரையை அவர் உதாசினப்படுத்திவிடுவார் என்பதாலேயே; ஊடகங்களின் வாயிலாக சொல்கிறேன் என கமல்ஹாசன் பதிலளித்தார்.
