கார்த்தியின் கடைக்குட்டி சிங்கம் டீசர் ரிலீஸ் தேதி

கார்த்தியின் கடைக்குட்டி சிங்கம் டீசர் ரிலீஸ் தேதி

கார்த்தி தற்போது பாண்டிராஜ் இயக்கத்தில் கடைக்குட்டி சிங்கம் என்ற படத்தில் நடித்து வருகிறார். இதில் சாயிஷா ஹீரோயினாக நடிக்கிறார். தொலைக்காட்சி நடிகை பிரியா பவானி சங்கர் இரண்டாவது நாயகியாக நடிக்கிறார். சத்யராஜ், செம படத்தில் நடித்த அர்த்தனா முக்கிய கதாப்பாத்திரத்தில் நடிக்கிறார்கள். இதனை சூர்யாவின் 2டி எண்டெர்டெயின்மென்ட் நிறுவனம் தயாரிக்கிறது. டி.இமான் இசையமைக்கும் இந்தப் படத்திற்கு வேல்ராஜ் ஒளிப்பதிவு செய்திருக்கிறார். இதன் டீசர் நாளை (ஜூன் 3-ம் தேதி) மாலை 7-மணிக்கு ரிலீஸ் செய்யப் படும் என படக்குழுவினர் அறிவித்திருக்கிறார்கள்.  

இது தவிர, அறிமுக இயக்குநர் ரஜத் ரவிசங்கர் இயக்கும் படத்தில் கமிட் ஆகியிருக்கிறார் கார்த்தி. இப்படம் கார்த்தி நடிக்கும் 17-வது படம். தீரன் படத்தில் நடித்த ரகுல் ப்ரீத் சிங் இந்த படத்தில் கார்த்தியுடன் ஜோடி சேர்கிறார். இப்படத்திற்கு ‘தேவ்’ என டைட்டில் வைக்கப்பட்டுள்ளது. இப்படத்தில் ரம்யா கிருஷ்ணன் ஒரு முக்கிய வேடத்தில் நடிக்கிறார், நவரச நாயகன் கார்த்திக் சிறப்புத் தோற்றத்தில் நடிக்கிறார்.