தம்பி ராமையா, யோகி பாபு, நான் கடவுள் ராேஜந்திரன், இமான் அண்ணாச்சி நால்வரும் இணைந்து நகைச்சுவையில் பின்னி பெடலெடுக்கும் படம் தான் “காவி ஆவி நடுவுல தேவி”
மனோன்ஸ் சினி கம்பைன் சார்பில் ஆருரான் தயாரிக்கும் இதன் கிராபிக்ஸ் காட்சிகள் பரமிப்பூட்டும் வகையில் தயாராகி உள்ளது. மேலும் இதில் கதாநாயகனாக ராம் சுந்தர் அறிமுகமாக இவரின் ஜோடியாக பிரியங்கா நடிக்கிறார். சிவசங்கர், வேல்சிவா, ரிஷா, சிவகாமி, வாணி, டக்ளாராமு, தீபலட்சுமி இன்னும் பலர் பங்கு பெறுகின்றனர்.
குழலூதும் கண்ணனாக நடிக்கும்யோகி பாபு ஆவியாக வந்து ஐம்பதுக்கும் மேற்பட்ட நடன அழகிகளுடன் கவர்ச்சி நடனமாடி பாடிய
“இந்திரன் கெட்டதும் பிகராலே சந்திரன் கெட்டதும்
பிகராலே” பாடலுக்கான காட்சிகள் சிவராக் சங்கர் நடனமாஸ்டர் சொல்லி கொடுக்க படமாக்கப்பட்டது.
பஸ் கம்பெனி முதலாளியாக தம்பி ராமையாவும் , பிரபல தாதாவாக நான் கடவுள் ராஜேந்திரனும், மலையாள மாந்திரீகனாக இமான் அண்ணாச்சியும் அடிக்கும் லூட்டிகள் நகைச்சுவையில் பட்டையை கிளப்பும் என்கிறார் இப் படத்தின் கதாசிரியரான வி.சி.குகநாதன்.
சூப்பர் சுப்பராயன் சண்டை பயிற்சியையும், வி.சி. குகநாதன் கதையையும், கணேசன் ஒளிப்பதிவையும், ராஜ் கீர்த்தி படத்தொகுப்பையும், டாக்டர் ஹிருதயா, ஜீவன் மயில் இருவரும் பாடல்களையும், தயாரிப்பு நிர்வாகத்தை கே.தமிழ்செல்வன், எம்.சரவணனும், மேற்பார்வையை ஜெ.துரையும், கவனிக்கின்றனர் படப்பிடிப்பு முற்றிலும் நிறைவு பெற்றது.
விரைவில் திரைக்கு வர உள்ள “காவி ஆவி நடுவுல தேவி” படத்தின் வசனம் எழுதி புகழ்மணி இயக்கி வருகிறார்.
