தயாரிப்பின் பிரம்மாண்டம் கலைப்புலி எஸ்.தாணுவின் மகன் கலாபிரபு இயக்கத்தில் உருவாகியுள்ள படம் ‘இந்திரஜித்’ தாணுவின் பட விழா என்றாலே, அதில் ஒரு வித்யாசம் இருக்கும் , பிரமாண்டம் இருக்கும், ஆனால் தன் மகன் படைப்பான இந்திரஜித் படத்தின் இசை மற்றும் ட்ரைலர் வெளியீட்டு விழா பிரபலங்கள் இன்றியும் எளிமையாகவும் அமைதியாகவும் நடைபெற்றது.
இதற்க்கான காரணம் பற்றி பேசிய தயாரிப்பாளர் தாணு, கலாபிரபுவின் படம் மக்கள் மத்தியில் செல்லும் பொது பிரமாண்டமாக பேசப்படும், அப்படியிருக்க ஏன் ஆடியோ வெளியீட்டுக்கு பிரமாண்ட விழா என்று சொன்னார். கனிம வளங்களின் முக்கியத்துவத்தை மையக் கருவாக கொண்டு உருவாகி உள்ள இந்தபடம் ஹாலிவுட் படங்களுக்கு நிகரான காட்சிகளோடு தயாராகியுள்ளது என்று கூறினார் இயக்குனர் கலாபிரபு.
இசையமைப்பாளர் தேவி ஸ்ரீ பிரசாத்தின் அசிஸ்ட்டென்டான கே.பி என்கிற பிரபாகர் இசையமைத்திருக்கும் “இந்திரஜித்” படத்தின் பாடல்களை தேவி ஸ்ரீ பிரசாத் வெளியிட மூத்த பத்திரிக்கையாளர் தேவி மணி அவர்கள் பெற்றுக்கொண்டார்.
ரஜினிக்கு சூப்பர்ஸ்டார் பட்டம் கொடுத்த தாணு அவர்கள் நினைத்திருந்தால், தனது மகனின் படைப்பை ஒரு பெரிய அரங்கிலோ, பெரிய நடிகர்களை கொண்டோ, பெரிய இயக்குனர்களைக் கொண்டோ ஆடம்பரமாக நடத்தியிருக்கலாம்.. ஆனால் அதனை விடுத்து தேவி மணி என்ற மூத்த பத்திரிக்கையாளர் எளிமையானவர் நல்ல பண்பாளர் என்பாதாலேயே அவரை அழைத்து கெளரவப்படுத்தினார் தாணு. இந்நிகழ்வைகண்ட சக பத்திரிக்கையாளர்கள் பலர் தயாரிப்பாளர் தாணு அவர்களை மனதார பாராட்டினார்கள்…
கெளதம் கார்த்திக் ஹீரோவாக நடிக்கும் இப்படத்தில் அஸ்ரிதா ஷெட்டி ஹீரோயினாக நடிக்கிறார். இவர்களுடன் ராஜ்வீர் சிங், சுதன்சூ பாண்டே, அமித், பிரதாப் போத்தன், சச்சின் கேதாகர் உள்ளிட்ட பலர் நடித்துள்ளார்கள். நாயகன் அறிமுக பாடலைப் புலமைப்பித்தன் எழுத மற்ற நான்கு பாடல்களையும் கபிலன் வைரமுத்து எழுதியிருக்கிறார். ஒளிப்பதிவு – ராசா மதி.
