ஓவியா வெளியேறிய பிறகு பலரும் பிக்பாஸ் பார்ப்பதை நிறுத்திவிட்டனர். பார்ப்பவர்களும் கூட இனியும் பார்க்க வேண்டுமா என்று யோசிக்கும் அளவுக்கு நிகழ்ச்சி செல்கிறது. சலவைநிலையம் தொடங்கி கொடுமை செய்த பிக்பாஸ்… நேற்றைய தொகுப்பில், எலிமினேஷன் லிஸ்டில் இருந்து ஒருவரை நீக்க குடும்ப உறுப்பினர்கள் நாமினேட் செய்யலாம் என்கிறார். பாதிபேர் வையாபுரிக்கும், பாதி பேர் ஸ்நேகனுக்கும் வாக்களிக்கின்றனர். இதனால், அவர்களில் ஒருவரைத் தேர்ந்தெடுக்கும்படி பிக்பாஸ் கூறுகிறார். ஷக்தி, காயத்ரி, ரைசா உள்ளிட்டவர்கள் ஒன்று கூடி வையாபுரியைத் தேர்வு செய்கின்றனர். இந்த டிக்ஸ்கஷன்போது, ரைசா, ஆரவ் உள்ளிட்டவர்கள் ஸ்நேகன் இருக்கட்டும் என்கின்றனர்.
காயத்ரி, ஷக்தியின் தேர்வு வையாபுரி. எந்த ஒரு பிரச்னைனாலும் முதல் ஆளா வந்து நிக்கிறது ஸ்நேகன். அதனால, அவரை நாமினேட் செய்யலாம் என்கிறார் ரைசா. இதை ஷக்தி ஏற்றுக்கொள்ளவில்லை. பார்வையாளர்கள் எப்படியும் ஸ்நேகனைக் காப்பாற்றிவிடுவார்கள். அதனால வையாபுரியை நாமிநேட் செய்யலாம் என்று புதுகதை விடுகிறார் ஷக்தி. அப்போது ரைசா, நாளைக்கு உங்களுக்கு ஏதாவது பிரச்னை வந்தா என்ன பண்ணுவீங்க என்று எதார்த்தமாக காயத்ரியை பார்த்து கேட்டார். அதற்கு காயத்ரி, “என் பிரச்னையை நான் பார்த்துப்பேன்” என்றார். இதைக்கேட்ட ரைசா சிரித்தார். இது காயத்ரிக்கு கோபத்தை ஏற்படுத்தியது. அங்க தொடங்கியது கலகம். என்னைப் பார்த்து ஏன் சிரிச்ச என்று காயத்ரி கேட்க ரைசா பதில் சொல்லவில்லை.
காயத்ரியை ஆரவ் சமாதானம் செய்தார். ஆனால் காயத்ரியாவது சமாதானம் ஆகிறதாவது… ரைசாவை திட்டிக்கொண்டே இருந்தார். பிறகு ரைசா பேசும்போது பொதுவாக எல்லார்கிட்டயும் கேட்க நினைச்சேன். பக்கத்தில நீங்க இருந்ததால உங்ககிட்ட கேட்டேன் ” என்கிறார். ஆனால் காயத்ரி சமாதானம் ஆகவில்லை. ஒரு கட்டத்தில் கண்டகண்ட நாய்ங்கக்கிட்ட எல்லாம் பேச்சு வாங்க வேண்டியதா இருக்குது என்றார். இதனால், ரைசா மிகவும் சோகத்தில் அமைதியாகிவிட்டார். இதுபற்றி ஸ்நேகனிடம் பேசும்போது, “நானே ஒரு லூசு… நான் பேசினதை பெருசா எடுத்தக்கிட்ட பேசுற அவங்க எவ்வளவு பெரிய லூசா இருப்பாங்க” என்றார்.
கடந்த வாரம் வரை ஓவியா – காயத்ரி பிரச்னை பெரிதாக இருந்தது. தற்போது அது ரைசா – காயத்ரி பிரச்னையாக உருவெடுக்கும் நிலை ஏற்பட்டுள்ளது. ஷக்தி – ஸ்நேகன் இடையே பிரச்னை உருவாக்கிவிட்டார் பிக்பாஸ். அது இன்னும் ஒன்றிரண்டு நாட்களில் வெடிக்கும். அதேநேரத்தில், வீட்டுக்குள் நுழையும் புதுநபர் ஒருவர், தான் கையோடு கொண்டுவந்திருந்த கோணிப்பையில் கணேஷ் வெங்கட்ராமின் செருப்பு உள்ளிட்டவற்றை எடுத்துச் செல்கிறார். பிக்பாஸ் வீட்டில் உள்ளவர்களிடம் எல்லாம் பேசுகிறார். ஆனால், யாருக்கும் அவரை தெரிந்தது போல் இல்லை.
