ஷார்க் 9 பிக்சர்ஸ் நிறுவனம் சார்பில், சிவா கில்லாரி தயாரிப்பில், அறிமுக இயக்குனர் மைக்கல் கே ராஜா இயக்கத்தில், விமல், கருணாஸ், மேரி ரிக்கெட்ஸ், ஆடுகளம் நரேன், மனோஜ் குமார், பவன், அருள்தாஸ், தீபா சங்கர், சார்லஸ் வினோத், வேல ராமமூர்த்தி ஆகியோர் நடிப்பில் உருவாகி உள்ள படம் போகுமிடம் வெகு தூரமில்லை.
சென்னையில் லாரி விபத்தில் இறந்து விடும் திருநெல்வேலியை சேர்ந்த ஒரு பெரும் தலைவரின் பிணத்தை அமரர் ஊர்தியில் எடுத்து செல்கிறார் விமல்.
அப்பொழுது ஒரு சுங்கச்சாவடியில் ஊருக்கு செல்வதற்கு பணம் இல்லாமல் அந்த வழியாக செல்லும் வாகனங்களில் உதவி கேட்டுக் கொண்டிருக்கிறார் கருணாஸ்.
அந்த சமயத்தில் விமலின் வண்டியை தள்ளுவதற்காக கருணாஸிற்கு விமல் உதவி செய்து அவரை வாகனத்தில் அழைத்துச் செல்கிறார்.
இருவரும் வண்டியில் பயணிக்கும் போது கருணாஸ் தன்னுடைய கதையை சொல்லிக் கொண்டு வருகிறார் அதனை காது கொடுத்துக் கூட சரியாக கேட்காமல் அமைதியாக வருகிறார் விமல்.
இரக்ககுணம் அதிகம் உள்ள கருணாஸ் வழியில் சிலருக்கு உதவிகளை செய்யச் சொல்கிறார். விமல் அப்படி உதவி செய்யும் பொழுது பல பிரச்சனைகள் ஏற்படுகிறது. ஒரு கட்டத்தில் தன்னுடைய உயிருக்கு ஆபத்து ஏற்படும் சிக்கலில் மாட்டிக் கொள்கிறார் விமல். அந்த பெரிய சிக்கலில் இருந்து விமல் தப்பித்தாரா? இல்லையா? கருணாஸ் அவருக்கு எப்படி உதவி செய்தார்? என்பதே போகும் இடம் வெகு தூரம் இல்லை படத்தோட மீதிக்கதை.
தொழில்நுட்ப கலைஞர்கள்
இசையமைப்பாளர் : என்.ஆர்.ரகுநந்தன் ஒளிப்பதிவாளர் : டெமில் சேவியர் எட்வர்ட்ஸ்
படத்தொகுப்பு : எம்.தியாகராஜன்
ஸ்டண்ட் டைரக்டர் : மெட்ரோ மகேஷ்
நடன மாஸ்டர் : ரிச்சி ரிச்சர்ட்சன்
கலை இயக்குனர் : சுரேந்தர்
தயாரிப்பு கட்டுப்பாட்டாளர் : ராகேஷ் ராகவன்
நிர்வாக தயாரிப்பாளர் : வெங்கி மகி
மக்கள் தொடர்பு : சதீஷ் (AIM)
