தெலுங்கானாவில் சுற்றுப்பயணம் செய்யும் பா.ஜனதா தேசிய தலைவர் அமித்ஷாவிடம் ரஜினியின் அரசியல் பேச்சு குறித்து கேட்டதற்கு நடிகர் ரஜினிகாந்த் நல்ல மனிதர் அவர் முன்பே அரசியலுக்கு வந்திருக்கவேண்டும். பா.ஜனதாவில் ரஜினி சேர விருப்பினால் மனதார வரவேற்பதாகவும் கூறிய அமித்ஷா மேலும் கூறுகையில், ஜெயலலிதா மரணத்திற்கு பின்னர் தமிழ்நாட்டில் அ.தி.மு.க.வில் ஒரு வெற்றிடம் ஏற்பட்டுள்ளது. இதற்காக அ.தி.மு.க.வின் உட்கட்சி விவகாரங்களில் பா.ஜனதா தலையிட விரும்பவில்லை. இந்த வெற்றிடத்தை நிரப்ப பா.ஜனதா கட்சி தன்னை வலுப்படுத்திக் கொள்ளும். பா.ஜனதா சிறுபான்மையினர் நலனுக்காக பாடுபடுகையில் எங்களை சிறுபான்மையினரின் விரோதிகளாக சித்தரிப்பது தவறு என்றும் கூறினார்.
