பிரைம் ஷோ என்டர்டைன்மென்ட் சார்பில், நிரஞ்சன் ரெட்டி தயாரிப்பில், பிரசாந்த் வர்மா இயக்கத்தில், தேஜா சஜ்ஜா, அமிர்தா ஐயர், வரலட்சுமி சரத்குமார், வினை ராய், ராஜ் தீபக்செட்டி, வெண்ணிலா கிஷோர், சமுத்திரக்கனி ஆகியோர் நடிப்பில் வெளிவந்திருக்கும் படம் ஹனுமான்.
வினய் அவருடைய குழந்தைப் பருவத்தில் சூப்பர் ஹீரோ படங்கள் தாக்கத்தால் அப்பா அம்மாவை கொல்லும் அளவிற்கு செயல்களைச் செய்து சூப்பர் ஹீரோவாக முயற்சி செய்த வில்லன் மைக்கேலிடம் ஆரம்பம் ஆகிறது கதை. அறிவியல் ஆராய்ச்சி செய்து உதவி செய்கிறார் விஞ்ஞானி சிரி வெண்ணிலா.
இது ஒரு பக்கம் இருக்க மறு பக்கம் மிகவும் பழமையான பழக்கங்களுடைய அஞ்சனாத்ரியைச் சேர்ந்த கதாநாயகன் தேஜா சஜ்ஜா ஜாலியாக ஊர் சுற்றிக்கொண்டு, சிறு சிறு திருட்டுகளை செய்து கொண்டும் வாழ்ந்து வருகிறார்.
அவரின் சகோதரியாக வரலக்ஷ்மி சரத்குமார் தம்பியை பாசமாக பார்த்துக் கொள்வதாலும் திருமணத்திற்கு பிறகு தம்பியும் கூட வரவேண்டும் என்ற கோரிக்கையினாலும், திருமணம் தள்ளிக் கொண்டே போகிறது.
தேஜா சஜ்ஜா அந்த ஊரை சேர்ந்த அமிர்தா ஐயரை காதலிக்கிறார். இப்படி ஜாலியாக சுற்றிக் கொண்டிருக்கும் தேஜா சஜ்ஜாவிற்கு அபூர்வ விலையுயர்ந்த ஹனுமன் ஒரு துளி ரத்தம் விழுந்து உருவான கல் கிடைக்கிறது. அதன் மூலம் தேஜா சஜாவிற்கு பவர் கிடைக்கிறது.
அதை வைத்து தேஜா சஜ்ஜா பல நல்ல காரியங்களை செய்கிறார். இந்த கல் விஷயம் வில்லன் வினய் ராய்க்கு தெரிய வர அவரிடம் இருந்து அந்த கல்லை வாங்குவதற்காக அந்த கிராமத்திற்க்கு தன் படைகளுடன் வருகிறார்.
தேஜா சஜ்ஜாவிடமிருந்து வினய் ராய்க அந்த கல்லை கைப்பற்றினாரா? இல்லையா? அந்த கல்லை வைத்து தேஜா சஜ்ஜா என்ன நன்மைகளை செய்தார், என்பதை மேஜிக்கலாக சொல்லி இருக்கும் படமே ஹனுமான்.
தொழில்நுட்ப கலைஞர்கள்
எழுத்து : பிரசாந்த் வர்மா மற்றும் ஸ்கிரிப்ட்ஸ்வில்லே
ஒளிப்பதிவு : தாசரதி சிவேந்திரன்
எடிட்டிங் : சாய் பாபு தலாரி
இசை : அனுதீப் தேவ், கௌரி ஹரி, கிருஷ்ணா சௌரப்
வெளியீடு : சக்தி பிலிம் பேக்டரி
மக்கள் தொடர்பு : யுவராஜ்
