க்ளியர் வாட்டர் பிலிம்ஸ், ஐ சினிமா சார்பில், கேப்டன் மேகவாணன் & இசைவாணன் தயாரிப்பில்,
சி.எஸ்.கார்த்திகேயன் இயக்கத்தில், அசோக் செல்வன், கார்த்திகா முரளிதரன், சாந்தினி, மேகா ஆகாஷ், அருண், ஜெய்சீலன், ஸ்ரீPராம், விவ்யாசாந்த், ஷெர்லின்சேத், அனீஷ், மைக்கேல் தங்கதுரை, உடுமலைப்பேட்டை ரவி, அக்ஷயா ஹரிஹரன், பிக்பாஸ் பாலா, ராஸ், மனோகர், துளசி, பாலமுருகன், ஷ்ரவந்தி, ரேஷ்மி நம்பியார், பாஸ்கரன் ஆகியோர் நடிப்பில் வெளிவந்திருக்கும் படம் “சபாநாயகன்”.
இரவில் நண்பர்களுடன் போதையில் வரும் அசோக் செல்வனை போலீஸ் கைது செய்து, அழைத்துச் செல்கின்றனர். அந்த சமயத்தில் சரக்கு வாங்கி வரும் இளைஞர் காதல் தோல்வி என்று சொல்ல அவரை போலீசார்விட்டுவிட, அதனால் எரிச்சலாகும் சபா தன் பள்ளி, கல்லூரி வாழ்க்கையில் நடந்த காதல் தோல்விகளை போலீஸ்காரர்களுக்கு சொல்கிறார்.
பள்ளி படிக்கும் போது, சக மாணவி கார்த்திகா முரளிதரனை ஒருதலையாக காதலிக்கிறார். ஆனால், அந்த காதலை அவரிடம் சொல்லாமலே இருந்துவிட, பள்ளி படிப்பும் முடிந்து விடுகிறது அந்த காதலும் தோல்வியடைகிறது.
கல்லூரியில் படிக்கும் போது ரியாவை காதலிக்கிறார். ரியாவுடனான காதல் ஆரம்பத்தில் ஜாலியாக இருந்தாலும், அதன் பிறகு சில காரணங்களால் தோல்வியடைகிறது.
கடைசியாக மேகா ஆகாஷை காதலிக்கிறார் அசோக்செல்வன் இந்த காதலாவது அசோக் செல்வனுக்கு வெற்றி பெற்றதா? இல்லையா? என்பதே சபாநாயகன் படத்தோட மீதி கதை
தொழில் நுட்ப கலைஞர்கள்
இசை : லியோன் ஜேம்ஸ்
டிஓபி : பாலசுப்ரமணியம், தினேஷ் புருஷோத்தமன், பிரபு ராகவ்
எடிட்டர் : கணேஷ் சிவா
ஒலி வடிவமைப்பு : உதய் குமார்
கலரிஸ்ட் : சண்முக பாண்டியன்
ஸ்டண்ட் : பில்லா ஜகன்
ஆர்ட் : ஜி.சி.ஆனந்தன்
உடை : செல்வம்
மேக் அப் : மாரியப்பன்
தயாரிப்பு மேலாளர் : செல்லதுரை, சிவகுமார், ரமேஷ்குமார், தேவேந்திரன், தயாரிப்பு மேற்பார்வை : லோகநாதன்
மக்கள் தொடர்பு : சதீஷ்குமார்
பள்ளியில் படிக்கும் போது சபாவின் வாழ்க்கையில் காதல் முதலில் துளிர்க்கிறது. அவர் ஈஷா (கார்த்திகா முரளிதரன்) என்ற பெண்ணிடம் விழுகிறார், ஆனால் அவளிடம் சென்று தனது உணர்வுகளை சொல்ல மிகவும் பயப்படுகிறார். பள்ளி வாழ்க்கை முடிவுக்கு வர, காதலை சொல்ல முடியாமலேயே போகிறது. பின்னர் இன்ஜினியரிங் கல்லூரியில் சேரும் சபாவிற்கு ஐடி துறையில் படிக்கும் ஸ்ரீரியாவுடன் (சாந்தினி சௌத்ரி) நட்பு கிடைக்க, காதல் தொடங்கும் முன்பே, நண்பனிடம் காதலியை பறி கொடுக்கிறார்.இதன் பின்னர் நெருங்கிய உறவினரான அக்கா நடத்தும் நவநாகரீக உடைகள் விற்கும் கடையில் தன் பள்ளி தோழி ஈஷாவை பார்க்க, மீண்டும் பேசும் வாய்ப்பு கிடைத்து, காதலை சொல்லும் போது, ஈஷா தனக்கு ஏற்கனவே காதலன் இருப்பதாக கூறிவிட்டு பிரிந்து செல்கிறார். அதன் பின் உயர் கல்வி கற்க சேரும் போது மேகா ஆகாஷ் (மெகா)நட்பு மலர்கிறது. இந்த நட்பு பின் காதலாக கை கூடியதா? இல்லையா? ஈஷா மீண்டும் சபாவின் வாழ்க்கையில் வந்தாரா? அதற்கு சபா என்ன செய்தார்? என்பதே படத்தின் திருப்பம் நிறைந்த க்ளைமேக்ஸ்.
