தேர்ட் ஐ சினி கிரியேஷன்ஸ் சார்பில் வி.கார்த்திகேயன் தயாரிப்பில், சதீஷ் கீதா குமார் இயக்கத்தில், கார்த்திகேயன், சுபிக்ஷா கிருஷ்ணன், சுரேஷ் மேனன், பாண்டியராஜன், ரேஷ்மா பசுப்புலேடி, வின்சென்ட் அசோகன், மன்சூர் அலிகான், வினோதினி, நிழல்கள் ரவி ஆகியோர் நடிப்பில் வெளிவந்துள்ள படம் ‘சூரகன்’
இளம் போலீஸ் அதிகாரியான கார்த்திகேயனுக்கு, ஒரு விபத்தால் பார்வை குறைபாடு ஏற்பட்டு தலைகீழாக தெரிய ஆரம்பிக்கிறது. அதனால் வேலையின் போது தவறுதலாக குற்றவாளியை சுடாமல் சம்பந்தமில்லாத ஒரு அப்பாவி பெண்ணை சுட்டு விடுகிறார்.
இதனால் பணியில் இருந்து நீக்கப்பட்டு தன் அக்கா குடும்பத்துடன் வசித்து வருகிறார்.
இந்த சமயத்தில் ஒரு நாள் இரு சக்கர வாகனத்தில் செல்லும் போது ஒரு பெண் அடிபட்டு கிடப்பதை பார்த்து அவரை காப்பாற்றுவதற்காக மருத்துவமனையில் சேர்க்கிறார். ஆனால் சிகிச்சை பலனின்றி அந்தப் பெண் இறந்து விடுகிறார்.
இறந்து போன பெண்ணின் செல்போன் அவர் கையில் கிடைக்க அந்தப் பெண் இறப்பதற்கு காரணமானவர்களை கண்டுபிடிக்க முயலும் போது, பணக்காரரான நிழல்கள் ரவியின் பேத்தி என்பதை தெரிந்து கொள்கிறார்.
அந்த பெண்ணுடன் சேர்த்து மேலும் இரு பெண்களும் கொல்லப்பட்டுள்ளனர் என்பதை தெரிந்து கொள்கிறார். இவர்களை கொலை செய்தது யார்?
எதற்காக கொலை செய்தார்கள்?அவர்களை கார்த்திகேயன் கண்டுபிடித்து தண்டனை வாங்கி கொடுத்தாரா? இல்லையா? மீண்டும் கார்த்திகேயன் பணியில் சேர்ந்தாரா? இல்லையா?என்பதே சூரகன் படத்தோட மீதி கதை.
தொழில்நுட்ப வல்லுநர்கள்
கூடுதல் திரைக்கதை : கார்த்திகேயன்
ஒளிப்பதிவு : சதீஷ் கீதா குமார் மற்றும் ஜேசன் வில்லியம்ஸ்
இசை : அச்சு ராஜாமணி
பின்னணி இசை : யனமந்திர ராகவ்
பாடல் வரிகள் : கு.கார்த்திக், திரவ்
எடிட்டர் : ராம் சுதர்ஷன்
கலை இயக்குனர் : தினேஷ் மோகன்
நடன இயக்கம் : கலைமாமணி ஸ்ரீதர்
ஆடை வடிவமைப்பாளர் : கீர்த்திவாசன்
ஆக்ஷன் : டேஞ்சர் மணி
மக்கள் தொடர்பு : AIM சதீஷ்.
