நாளை (29ஆம் தேதி) தெலுங்கு வருடப்பிறப்பு. அதையொட்டி, புத்தாண்டு பிறப்பு விழாவை பிராட்வேயில் உள்ள ஸ்ரீ கன்னிகாபரமேஸ்வரி அறிவியல் மற்றும் கலை கல்லூரி மாணவிகள் இன்று மிகச்சிறப்பாகக் கொண்டாடினர். பாவாடை தாவணியில் கல்லூரிக்கு வந்த மாணவிகள் வண்ண வண்ண ரங்கோலி கோலமிட்டனர். குத்துவிளக்கேற்றி, தெலுங்கு வருடப் பிறப்புக்குரிய அறுசுவை உணவு படைக்கும் பொருட்களைக் கொண்டு வந்து விருந்து படைத்து மகிழ்ந்தனர். கல்லூரி முதல்வர் மோகனஸ்ரீ ஏற்பாட்டில் நடந்த நிகழ்ச்சியில் மாணவிகளின் கலை நிகழ்ச்சியும் நடந்தது.
