டெல்லி பாவனா தொகுதியைச் சேர்ந்த ஆம் ஆத்மி எம்.எல்.ஏ வேட் பிரகாஷ் சதீஷ், டெல்லி பா.ஜ.க தலைவர் மனோஜ் திவாரி முன்னிலையில் இன்று அக்கட்சியில் இணைந்தார். இதுகுறித்து செய்தியாளர்களுக்கு அளித்த பேட்டியில் அவர் கூறியதாவது, சபாநாயகரை சந்தித்து எனது ராஜினாமா கடிதத்தை அவரிடம் கொடுக்க செல்கிறேன். ஆம் ஆத்மி கட்சியில் இருந்தபோது மூச்சுத்திணறியது போல நான் உணர்ந்தேன்.
சட்டசபைத் தேர்தலின்போது அளித்த வாக்குறுதிகளை ஆம் ஆத்மி நிறைவேற்றவில்லை. அக்கட்சியில் உள்ள 35 எம்.எல்.ஏ-க்களும் கட்சித்தலைமையின் கீழ் மகிழ்ச்சியின்றி உள்ளனர். பாவனா தொகுதியில் கடந்த 2 வருடங்களாக எந்தவொரு வேலையும் நடைபெறவில்லை. இதனால் எனது தொகுதி மக்கள் பெரும் மனக்குறையுடன் உள்ளனர். இவ்வாறு அவர் கூறினார். டெல்லியில் அடுத்த மாதம் நடைபெறவுள்ள உள்ளாட்சி தேர்தல்களை முன்னிட்டு, வேட் பிரகாஷ் சதீஷ் இந்த முடிவை எடுத்ததாக கூறப்படுகிறது.
