அருவி பட இயக்குநரின் அடுத்த படத்தை தயாரிக்கும் 24 ஏஎம் ஸ்டூடியோஸ்
ஒட்டுமொத்த தமிழ் சினிமாவையும் ஒரே படத்தில் திரும்பி பார்க்க வைத்தவர் அருவி படத்தை இயக்கிய அருண் பிரபு. அவர் இயக்கும் அடுத்த படம் என்ன என்ற ஆவல் ரசிகர்கள் மத்தியில் நிலவியது.
இந்நிலையில் அவரது அடுத்த படத்திற்கான அறிவிப்பு வெளியாகி உள்ளது. 24 ஏஎம் நிறுவனம் அந்த படத்தை தயாரிக்க உள்ளது. இந்த படத்தின் பூஜை குமிலியில் உள்ள நோஷ்ரம் ஆஸ்ரமத்தில் நடந்தது. இதன் அதிகாரப்பூர்வ அறிவிப்பை தயாரிப்பு நிறுவனம் தனது சமூக வலைதள பக்கத்தில் பதிவிட்டுள்ளது. மேலும் படம் குறித்த கூடுதல் விவரங்கள் விரைவில் வெளியாகும் என்றும் எதிர்ப்பார்க்கப்படுகிறது.
