நடிகை ஸ்ரீதேவி மறைவிற்கு நடிகர் ரஜினிகாந்த் டிவிட்டரில் இரங்கல் தெரிவித்துள்ளார். ஸ்ரீதேவியின் மறைவு மிகுந்த அதிர்ச்சியையும், வருத்தத்தையும் அளிக்கிறது. எனது உண்மையான நண்பரை இழந்துவிட்டேன், ஸ்ரீதேவியின் மறைவு திரையுலகத்திற்கு பெரிய இழப்பு என்று தெரிவித்தார். மேலும் ஸ்ரீதேவியின் குடும்பத்தினர், நண்பர்களுக்கு எனது ஆழ்ந்த இரங்கல் என்றும் பதிவிட்டுள்ளார்.
நடிகை ஸ்ரீதேவி மறைவிற்கு நடிகர் கமல்ஹாசன் டிவிட்டரில் இரங்கல் தெரிவித்துள்ளார். ஸ்ரீதேவி தான் அடைந்த புகழுக்கு முற்றிலும் தகுதியானவர் என்று தெரிவித்தார். மேலும் மூன்றாம் பிறையின் தாலாட்டு பாடல் இன்று என் காதில் ஒலிக்கிறது என்று பதிவிட்டுள்ளார்.
நடிகை ஸ்ரீதேவியின் மரணத்தை நம்ப முடியவில்லை; மிகவும் வருத்தம் அளிக்கிறது- நடிகை நக்மா.
ஸ்ரீதேவி இந்த மண்ணைவிட்டு மறைந்தாலும் அவரின் சிரிப்பு நம் கண்ணை விட்டு மறையவில்லை, தெற்கில் இருந்து இந்திக்கு சென்ற நடிகைகளில் மிகச்சிறப்பான வெற்றி பெற்றவர் ஸ்ரீதேவி – இயக்குநர் பாரதிராஜா.
ஸ்ரீதேவியின் ஆன்மா சாந்தி அடைய வேண்டுகிறேன் – நடிகர் ஒய்.ஜி. மகேந்திரன்
எப்போதும் நினைவில் நிற்கும் பல கதாபாத்திரங்களில் நடித்து மக்கள் மனதில் இடம்பிடித்தவர்- ரமன் சிங்
நடிகை ஸ்ரீதேவியின் மறைவு துரதிருஷ்டவசமானது – நடிகர் அக்ஷய்குமார் ட்விட்டரில் இரங்கல்
யதார்த்தமான குழந்தை போன்றவர் ஸ்ரீதேவி – நடிகை லட்சுமி
ஸ்ரீதேவியின் மறைவை என்னால் நம்ப முடியவில்லை – நடிகை ராதா
நடிகைகளுக்கு உத்வேகம் அளிக்கக்கூடியவராக திகழ்ந்தவர் ஸ்ரீதேவி, புகழ்பெற்ற ஸ்ரீதேவி இனி இல்லை என்பதை யாராலும் ஜீரனிக்க முடியாத ஒன்று – நடிகை ரோஜா இரங்கல்
