முத்தையா இயக்கத்தில் சசிகுமார் நடித்துள்ள படம் கொடிவீரன். இதில் மஹிமா நம்பியார், சனுஷா, விதார்த், பால சரவணன், பூர்ணா மற்றும் தயாரிப்பாளர் இந்தர்குமார் ஆகியோர் நடித்துள்ளனர். இப்படத்துக்கு கதிர் ஒளிப்பதிவு செய்ய, ரகுநந்தன் இசையமைக்க, சசிகுமாரின் கம்பெனி புரொடக்ஷன்ஸ் நிறுவனம் இப்படத்தை தயாரிக்கிறது. கொடிவீரன் படத்தின் படப்பிடிப்பு முழுமையாக முடிவுற்று, இறுதிக்கட்டப் பணிகள் தீவிரமாக நடைபெற்று வருகின்றன.
ஆயுதபூஜை வெளியீடு, தீபாவளி வெளியீடு என பலமுறை திட்டமிடப்பட்டு, படத்தின் பணிகள் முடிவடையாத காரணத்தால் தள்ளிவைக்கப்பட்டு வந்தது. தற்போது அனைத்து பணிகளுமே முடிவடைந்துவிட்டதால், பட வெளியீட்டை உறுதிப்படுத்தியிருக்கிறார்கள். தணிக்கையில் ‘யு/ஏ’ சான்றிதழ் கிடைக்கவே, நவம்பர் 30ஆம் தேதி படம் வெளியாகும் என படக்குழு அதிகாரப்பூர்வமாக அறிவித்திருக்கிறது.
