கோவில்பட்டி அருகே அயன்வடமலாபுரத்தில் வைப்பாறு கரிசல் விவசாயிகள் சங்கம் சார்பில் தீபாவளி பண்டிகையை முன்னிட்டு மாற்றுத்திறனாளிகளுக்கான விளையாட்டு போட்டிகள் மற்றும் நலத்திட்ட உதவிகள் வழங்கும் விழா நடைபெற்றது. பேட்டிகளை மதிமுக விவசாய அணி இணை செயலாளர் வரதராஜன் தொடங்கி வைத்தார். இதில் 100க்கும் மேற்பட்ட மாற்றுத்திறனாளிகள் கலந்து கொண்டனர். மாற்றுத்திறனாளிகளுக்கான கயிறு இழுக்கும் போட்டி, ஓட்டபந்தயம், கபடி, மியூசிக்கல் சேர் உள்ளிட்ட போட்டிகள் நடைபெற்றது. இறுதியில் வெற்றி பெற்றவர்களுக்கு பரிசுகளும், கலந்த கொண்ட அனைவருக்கும் புத்தாடை மற்றும் நலத்திட்ட உதவிகள் வழங்கப்பட்டது. இதற்கான ஏற்பாடுகளை வைப்பாறு கரிசல் விவசாயிகள் சங்கத்தினர் செய்து இருந்தனர்.
