தீபாவளி பண்டிகை விடுமுறையை முன்னிட்டு, நெல்லை மற்றும் எர்ணாகுளத்திற்கு சுவிதா சிறப்பு கட்டண ரயில்கள் இயக்கப்படும் என தென்னக ரயில்வே அறிவித்துள்ளது. அக்டோபர் 16, 20, 27 தேதிகளில் சென்னை எழும்பூரில் இருந்து, நெல்லைக்கு ரயில்கள் இயக்கப்படும். திருச்சி, மதுரை மார்க்கமாக செல்லும் இந்த சிறப்பு கட்டண ரயில்கள், இரவு 9.05க்கு எழும்பூரில் இருந்து புறப்படும்.
சென்னை சென்ட்ரலில் இருந்து, ஈரோடு, கோவை மார்க்கமாக எர்ணாகுளத்திற்கு 16, 20, 27ஆம் தேதிகளில், இரவு 10.30 மணிக்கு சிறப்பு ரயில்கள் இயக்கப்படும். 18ஆம் தேதி எர்ணாகுளத்தில் இருந்தும், 19ஆம் தேதி நெல்லையில் இருந்தும் சிறப்பு ரயில்கள், சென்னைக்கு இயக்கப்படுகின்றன. இந்த அனைத்து சிறப்பு ரயில்களின் டிக்கெட் முன்பதிவும் நாளை காலை 8 மணிக்கு துவங்குகிறது.
