விஷால் நற்பணி இயக்கத்தின் பறக்கும் படையினர் அதிரடி நடத்தி சேலம் நகரில் குமாரபட்டியிலுள்ள ஸ்ரீ சாய்பாபா வீடியோஸ் என்ற கடையிலிருந்து கடந்த வாரம் வெளியான துப்பறிவாளன், மகளீர்மட்டும்,கதாநாயகன் உள்பட ஏராளமான புது திரைப்படங்களின் திருட்டு ‘டிவிடி’களை நேற்று கைப்பற்றியுள்ளனர்.
இது தொடர்பாக சேலம் மாவட்ட தென்னிந்திய நடிகர் சங்கம் செயற்குழு உறுப்பினர் கலீலுள்ள அளித்த புகாரின் அடிப்படையில் திருட்டு ‘டிவிடி’களை விற்பனை செய்த ஸ்ரீ சாய் வீடியோஸ் கடை உரிமையாளர் ஜெயகிருஷ்ணன் மீது சேலம் நகர காவல் துறையினர் வழக்கு பதிவு செய்து விசாரணை நடத்தி வருகிறது.
மேலும் தமிழகத்திலுள்ள பல இடங்களிலும் இதே போல திருட்டு ‘டிவிடி’கள் விற்பனை செய்வது குறித்து தங்களுக்கு தகவல் கிடைத்துள்ளதாகவும் வரும் நாட்களில் மேலும் பலர் பிடிபடுவார்கள் என்றும் விஷால் ரசிகர்கள் நற்பணி மன்றத்தின் நிர்வாகிகள் தெரிவித்தனர்.
