குடும்ப அட்டைகள் தற்போது ஸ்மார்ட் கார்டு வடிவில் நவீனம் பெற்று வருகின்றன தமிழகத்தில். சில நாட்களுக்கு முன்னர் சேலம் மாவட்டத்தைச் சேர்ந்த சரோஜா என்பவரது ஸ்மார்ட் கார்டில் அவரது புகைப்படத்திற்கு பதிலாக நடிகை காஜல் அகர்வால் புகைப்படம் அச்சிடப்பட்டு வழங்கப்பட்ட சம்பவம் பரபரப்பை ஏற்ப்படுத்தியது.
இந்த செய்தி ஊடகங்களில் வெளியாகி, சமூக வலைதளங்களில் கிண்டலுக்கு உள்ளான பின்னர் சரியான புகைப்படம் அச்சிடப்பட்டு அவருக்கு புதிய கார்டு வழங்கப்பட்டது. இந்த பரபரப்பு ஓய்வதற்குள்ளாகவே தர்மபுரி மாவட்டம் போசிநாயக்கம்பட்டி கிராமத்தில் உள்ள மகேஷ் என்பவரின் ரேசன் ஸ்மார்ட் கார்டில் அவரின் புகைப்படத்திற்கு பதிலாக செருப்புடன் கூடிய கால் ஒன்றின் புகைப்படம் இடம்பெற்றுள்ளது.
