12 ஆம் வகுப்பு படிக்கும் மாணவனுக்கு கூகுள் நிறுவனத்தில் மாதம் சம்பளம் 12 லட்சம் ரூபாய்க்கு வேலை கிடைத்துள்ளது. பஞ்சாப் மாநிலம் சண்டிகரை சேர்ந்த ஹர்ஷித் ஷர்மா என்ற மாணவனுக்கு தான் அதிர்ஷ்டம் கிடைத்துள்ளது. ஹர்ஷித் ஷர்மா ஓய்வு நேரங்களில் பாலிவுட் மற்றும் ஹாலிவுட் படங்களின் போஸ்டர்களை டிசைன் செய்வதில் ஆர்வம் கொண்டுள்ளார்.
கூகுள் நிறுவனத்தில் பணிக்கு ஆட்கள் தேவை என்ற போது தனது படைப்புகளை ஆன்லைன் மூலம் அனுப்பி வைத்துள்ளார். இதையடுத்து ஆன்லைன் மூலம் நேர்காணலில் பங்கேற்ற ஷர்மா, பள்ளியில் படிக்கும் போதே மாதம் ரூ.4 லட்சம் உதவித் தொகையுடன் கடந்த ஓராண்டாக கூகுள் நிறுவனத்தில் பயிற்சி பெற்றார்.
பயிற்சியின் முடிவில் அவருக்கான பணி நியமன ஆணையை கூகுள் கடந்த ஜூன் மாதத்தில் அனுப்பியுள்ளது. பணிநியமன ஆணையில் உள்ள தகவலின் படி ஹர்ஷித் ஷர்மாவுக்கு ஆண்டு சம்பளமாக ரூ.1.44 கோடி நிர்ணயிக்கப்பட்டுள்ளது.
