பேட்மிண்டன் வீரர்-வீராங்கனைகளின் தர வரிசை பட்டியலை உலக பேட்மிண்டன் சங்கம் வெளியிட்டுள்ளது. இதன்படி மலேசிய ஓபன் போட்டியில் முதல் சுற்றில் தோல்வி கண்ட இந்திய வீரர் ஸ்ரீகாந்த் ஒரு இடம் முன்னேறி 13-வது இடத்தை பிடித்துள்ளார். மற்றொரு இந்திய வீரர் அஜய் ஜெயராம் 3 இடம் ஏற்றம் கண்டு 21-வது இடத்தை பெற்றுள்ளார். இந்திய வீரர்கள் பிரனாய் ஒரு இடம் பின்தங்கி 23-வது இடத்தையும், காஷ்யப் 2 இடம் சரிந்து 20-வது இடத்தையும் பெற்றனர். இந்திய வீராங்கனைகள் சாய்னா நேவால், பி.வி.சிந்து ஆகியோர் முறையே 8-வது மற்றும் 10-வது இடத்தில் நீடிக்கின்றனர். பெண்கள் இரட்டையர் பிரிவில் ஜூவாலா கட்டா-அஸ்வினி ஜோடி 15-வது இடத்தில் தொடருகின்றனர்.
