அகில இந்திய ஹாக்கி போட்டி – நியூடெல்லி ஓ.என்.ஜி.சி அணி வெற்றி

அகில இந்திய ஹாக்கி போட்டி – நியூடெல்லி ஓ.என்.ஜி.சி அணி வெற்றி

கோவில்பட்டி, கே.ஆர். மருத்துவம் மற்றும் கல்வி அறக்கட்டளையின் சார்பில்; இலட்சுமி அம்மாள் நினைவு கோப்பைக்கான பத்தாவது அகில இந்திய ஹாக்கிப் போட்டி மே 17ஆம் தேதி; முதல் மே 27-ம் தேதி வரை தமிழ்நாடு விளையாட்டு மேம்பாட்டு துறையின் செயற்கை புல்வெளி மைதானத்தில் சிறப்பாகத் தொடங்கி நடைபெற்று வருகிறது.11 நாட்கள் நடைபெறும் அகில இந்திய ஹாக்கிப் போட்டிகள் பல்வேறு மாநிலங்களில் இருந்து 16 தலை சிறந்த அணிகள் பங்கேற்று விளையாடி வருகின்றனர்.போட்டியின் 4வது நாளான இன்று காலை 8.30 மணிக்கு நடைபெற்ற 8வது லீக் ஆட்டத்தில்; நியூடெல்லி ஓ.என்.ஜி.சி. அணியுடன் சென்னை இந்தியன் வங்கி அணி மோதியது.4-வது நிமிடத்தில் நியூடெல்லி ஓ.என்.ஜி.சி அணி வீரர் திவாகர் ராம் பெனாலிட்டி கார்னர் முறையில் ஒரு கோல் போட்டார். 6-வது நிமிடத்தில் நியூடெல்லி ஓ.என்.ஜி.சி அணி வீரர் சுமித்; ஒரு பீல்டு கோல் போட்டார். 35-வது நிமிடத்தில் நியூடெல்லி ஓ.என்.ஜி.சி அணி வீரர் ஜாக்வான்ட் சிங் ஒரு பீல்டு கோல் போட்டார். 57-வது நிமிடத்தில் நியூடெல்லி ஓ.என்.ஜி.சி அணி வீரர் விஷால் சிங் ஒரு பீல்டு கோல் போட்டார்.

65-வது நிமிடத்தில் நியூடெல்லி ஓ.என்.ஜி.சி அணி வீரர் ஜாக்வான்ட் சிங் ஒரு பீல்டு கோல் போட்டார். இதில் 5:0 என்ற கோல் கணக்கில் நியூடெல்லி ஓ.என்.ஜி.சி அணி வெற்றிப் பெற்றது. விக்னேஷ் குமார் மற்றும் ஹஸன் அலி ஆகியோர் நடுவர்களாக செயல்பட்டனர்.

இன்று மாலை 5.00 மணியளவில் நடைபெறும் 9வது லீக் ஆட்டத்தில் சென்னை தமிழ்நாடு போலீஸ், அணியுடன் சென்னை ஐ.ஓ.பி., அணி மோதுகிறது.

இன்று மாலை 6.30 மணியளவில் நடைபெறும் 10வது லீக் ஆட்டத்தில் சவுத் சென்ட்ரல் ரயில்வே, செகந்தராபாத் அணியுடன் நியூடெல்லி; இந்தியன் போஸ்டல் அணி மோதுகிறது.

இன்று இரவு 8.00 மணியளவில் நடைபெறும் 11வது லீக் ஆட்டத்தில் ஆர்.சி.எப்., கபுர்;தலா அணியுடன் பெங்களுர் கனரா வங்கி அணி மோதுகிறது.