மான்ட்கார்லோ மாஸ்டர்ஸ் சர்வதேச டென்னிஸ் போட்டி மொனாக்கோவில் நடந்தது. இதில் அரைஇறுதி ஆட்டங்களில் ரபெல் நடால் (ஸ்பெயின்) இங்கிலாந்தின் ஆன்டி முர்ரேவையும், கேல் மான்பில்ஸ் (பிரான்ஸ்) சக நாட்டவர் சோங்காவையும் தோற்கடித்தனர்.
நேற்றிரவு நடந்த இறுதி ஆட்டத்தில் நடால்-மான்பில்ஸ் சந்தித்தனர். விறுவிறுப்பான இந்த மோதலில் நடால் 7-5, 5-7, 6-0 என்ற செட் கணக்கில் வெற்றி பெற்று 9-வது முறையாக இந்த கோப்பையை வசப்படுத்தினார்.
நடாலின் 28-வது மாஸ்டர்ஸ் பட்டம் இதுவாகும்.
இதன் மூலம் அதிக மாஸ்டர்ஸ் பட்டத்தை வென்ற செர்பியாவின் நோவக் ஜோகோவிச்சின் (இவரும் 28 பட்டம்) சாதனையை சமன் செய்தார்
