ரயில்வே, வருமான வரித்துறை போன்ற மத்திய அரசின் துறைகளில் திட்டமிட்டே வட மாநிலத்தவர்கள் பணியில் அமர்த்தப்படுவதாக குற்றம்சாட்டியுள்ள வேல்முருகன், தமிழக அரசு பணிகளில் 100 சதவிகிதம் தமிழர்களுக்கு வாய்ப்பளிக்க வேண்டும் என்று கோரியுள்ளார்.
மேலும், மத்திய மற்றும் தனியார் துறைகளில் 90 சதவிகித தமிழர்களுக்கு வாய்ப்பு வழங்கக் கோரி சென்னை வளசரவாக்கத்தில் உள்ள அவரது இல்லத்தின் முன்பு ஆதரவாளர்களுடன் போராட்டத்தில் ஈடுபட்டார். பின்னர் செய்தியாளர்களிடம் பேசிய வேல்முருகன், மத்திய அரசின் பணிகளில் அந்தந்த மாநில மக்களுக்கு 90 சதவிகித வாய்ப்புகளை வழங்க வேண்டும் எனத் தெரிவித்தார்.
