ஆப்பிள் நிறுவனத்தின் ஐபோன் 8 (iPhone 8) மொபைல் ப்ரீமியம் மொபைல் பிரியர்கள் மத்தியில் மிகவும் எதிர்பார்ப்பைக் கிளப்பியுள்ளது. பெரிய திரையுடன் வரவிருக்கும் இந்த மொபைல் இன்று அமெரிக்காவின் கலிபோர்னியாவில் நடக்கும் விழாவில் அறிமுகம் செய்யப்படுகிறது. ஐபோன் 8 மொபைலுக்கு iPhone X என்று பெயர் சூட்டப்படலாம் என்றும் தகவல் கசிந்துள்ளது. இந்த மொபைலுடன் சேர்த்து ஐபோன் 7எஸ் (iPhone 7s) மற்றும் ஐபோன் 7 ப்ளஸ் (iPhone 7 plus) ஆகிய மொபைல்களும் அறிமுகமாகும் என்று எதிர்பார்க்கப்படுகிறது.
மேலும், புதிய ஆப்பிள் ஸ்மார்ட் டிவி மற்றும் எல்டிஇ வசதியுடன் கூடிய ஆப்பிள் ஸ்மார்ட்வாட்ச் ஆகியவை அறிமுகப்படுத்தப்படலாம் என்றும் கூறப்படுகிறது. ஐபோன் 8 மொபைல் அறிமுகம் செய்யப்பட்ட இரு வாரங்களில் அமெரிக்காவில் அதன் விற்பனை தொடங்கிவிடும். அப்போது, அதனை வைத்து இந்தியாவில் அதன் விலையை கணிக்கலாம் என்று கருதப்படுகிறது.
